رؤیا و کشوف سَیّدنا محمود — Page 178
178 اسی طرز کے وہ معلوم ہوتے ہیں۔میں نے دیکھا کہ وہ کنارہ کی طرف پیٹھ کر کے اور منہ دوسری طرف کر کے چھپے بیٹھے ہیں میں مولوی صاحب سے کہتا ہوں کہ مولوی صاحب ان سے کیوں نہیں ملاتے۔مولوی صاحب کہتے ہیں کہ یہ جاپانی ہیں میں حیران ہو تا ہوں کہ جاپانی ہی سہی مگریہ چھے کیوں بیٹھے ہیں ان دونوں میں سے ایک لمبے قد کا آدمی ہے اور اس کا جسم نسبتا پتلا ہے یوں تو وہ بھی موٹا ہے مگر دوسرے کے مقابلہ میں پتلا معلوم ہوتا ہے اور دوسرا بہت ہی موٹا ہے اور اس کا جسم ایسا ہی ہے جیسے غلام پہلوان اور اسی طرح دوسرے پہلوانوں کے جسم بتائے جاتے ہیں۔غرض مولوی صاحب مجھ سے کہتے ہیں کہ یہ جاپانی ہیں اور میں ان سے مذاقاً کہتا ہوں کہ کیا جاپانیوں سے مصافحہ کرنا منع ہے چنانچہ اس کے بعد میں نے ان میں سے ایک کے سرپر اس کے بالوں والی جگہ پر ہاتھ رکھا اور اس نے بہت ہی شرماتے ہوئے اور لجاتے ہوئے جیسے کوئی سخت شرمسار ہوتا ہے میری طرف اپنا ہاتھ مصافحہ کے لئے بڑھایا اور میں نے اس سے مصافحہ کیا پھر میں دوسرے جاپانی کو کہتا ہوں کہ تم بھی مصافحہ کر لو وہ بھی اسی طرح سر چھپائے بیٹھا ہے اس کا دوسرا ساتھی بھی اسے کہتا ہے کہ کرلو۔کر لو۔چنانچہ میں نے اسی طرح بیٹھے بیٹھے اپنا ہاتھ ٹیڑھا کر کے آگے کیا میں خواب میں سمجھتا ہوں کہ شاید ان کے ہاں مصافحہ کا رواج نہیں اسی لئے اسے معلوم نہیں کہ مصافحہ کس طرح کیا جاتا ہے اس پر اس کا دوسرا ساتھی اسے کہتا ہے کہ اس طرح مصافحہ نہیں کیا کرتے۔اس طرح کیا کرتے ہیں۔چنانچہ اس نے اس کے ہاتھ کو مروڑا اور میں نے بھی اپنے ہاتھ کو چکر دے کر اس سے مصافحہ کیا اس وقت مجھے ایسا معلوم ہوا کہ گو اس کا منہ دوسری طرف ہے مگر وہ بھی چوری چوری کنکھیوں سے ہمیں دیکھ رہا ہے اس کے بعد میں وہاں سے نماز کی طرف آتا ہوں اور میرے دل میں یہ خیال آتا ہے کہ اب میں انگلستان کی طرف جانے والا ہوں چونکہ وہاں انگریزوں سے ملنا ہے اس لئے کم سے کم درد صاحب کو میں تار دے دوں کہ وہ رستہ میں ہی مجھے آکر ملیں اس کے بعد میری آنکھ کھل گئی۔اس خواب میں بھی مختلف ممالک کے آدمیوں کو میں نے دیکھا ہے عربوں کو دیکھا ہے جاپانیوں کو دیکھا ہے ان سے مصافحہ کیا ہے ان کے حالات معلوم کئے ہیں پھر اپنے آپ کو ایک سفر پر جاتے دیکھا ہے اور آخر میں انگلستان جانے کا ادارہ کیا ہے یہ تمام امور تبلیغ کی طرف اشارہ کر رہے ہیں۔ممکن ہے جاپانیوں کی جو شرمندگی اور ندامت مجھے دکھائی گئی ہے اس کا مفہوم یہ ہو