سَت بچن

سَت بچن — Page 206

روحانی خزائن جلد ۔ ۱۰ ۲۰۶ ست بچن ۸۲ اصطلاحی الفاظ کے نیچے اس کو لکھتے ہیں کہ آسا محلہ پہلا یا گوڑی محلہ پہلا مگر چونکہ گرنتھ کے اشعار باوا صاحب سے دوسو برس بعد بلکہ اس کے پیچھے بھی لکھے گئے ہیں اور اُن کے جمع کرنے کے وقت کوئی ایسی تنقید اور تحقیق نہیں ہوئی کہ جو تسلی بخش ہو لہذا ضرورت نہیں کہ بغیر با ضابطہ تحقیق کے خواہ نخواہ قبول کئے جائیں بلکہ تناقض کے وقت وہ حصہ اشعار کا ہرگز قابل پذیرائی نہیں ہو سکتا جو ایسے دوسرے حصہ کا نقیض پڑا ہو جس کی صحت مختلف طریقوں اور انواع اقسام کے قرینوں اور یقینی اور قطعی شواہد کی تائید سے بپایہ ثبوت پہنچ گئی ہو مگر تا ہم سکھ صاحبوں کی یہ خو صاحبوں کی یہ خوش قسمتی ہے کہ ۔ ایسے اشعار جو گرنتھ کے پہلے محلہ میں لکھے گئے ہیں قریباً وہ سارے ایسے ہیں کہ اُن میں سے کوئی بھی اسلامی تعلیم سے مخالف نہیں اور نہ اُن میں کوئی لفظ تکذیب اور تو ہین اسلام کا موجود ہے بلکہ وہ اسلامی تعلیم سے عین موافق ہیں اور اگر کوئی کسی شعر کو اسلامی تعلیم کے مخالف سمجھے یا اُس میں کوئی تو ہین کا لفظ خیال کرے تو یہ اُس کے فہم کی غلطی ہے ہاں اگر شاذ و نادر کے طور پر کوئی ایسا شعر ہو بھی جو الحاق کے طور پر عمد ایا ہوا اُن سے ملایا گیا ہو تو ایسا شعر حصہ کثیرہ کے نقیض واقع ہونے کی وجہ سے خودردی کی طرح ہوگا اور اعتبار سے ساقط ہوگا اور اُس کے جھوٹا ٹھہرانے کی لئے نانک صاحب کے دوسرے شعر اور نیز دوسرے آثار یقینی اور قطعی ذریعہ ہوگا کیونکہ کسی ایک شعر کے مقابل پر صد ہا شعروں اور دوسرے روشن ثبوتوں کا باطل ہونا غیر ممکن ہے بلکہ وہی باطل ٹھہرے گا جو اس قطعی ثبوت کے مقابل پڑا ہے مگر پھر بھی اُس صورت میں کہ اس کے کوئی اچھے معنے نہ ہو سکیں۔ یہ دھوکا بھی رفع کرنے کے لائق ہے کہ بعض نادان خیال کرتے ہیں کہ باوانا تک صاحب کے بعض اشعار میں سے تناسخ یعنی اواگون کا مسئلہ پایا جاتا ہے اور یہ اسلامی اصول کے برخلاف ہے سو واضح ہو کہ اسلام میں صرف وہ قسم تناسخ یعنی اواگون کی باطل اور غلط ٹھہرائی گئی ہے جس میں گذشتہ ارواح کو پھر دنیا کی طرف لوٹا یا جاوے لیکن بجز اس کے اور بعض صورتیں تناسخ یعنی اواگون کی ایسی ہیں کہ اسلام نے اُن کو روا رکھا ہے چنانچہ اُن میں سے ایک یہ ہے کہ اسلامی تعلیم سے ثابت ہے کہ ایک شخص جو اس دنیا میں زندہ موجود ہے جب تک وہ تزکیہ نفس کر کے اپنا سلوک ۔