حقیقةُ الوحی — Page 617
روحانی خزائن جلد ۲۲ ۶۱۷ تتمه بِسمِ اللهِ الرَّحْمَنِ الرَّحِيْمِ نَحْمَدُهُ وَنُصَلِّي عَلَى رَسُوْلِهِ الْكَرِيمِ دعوت حق قُلْ إِنْ كَانَ لِلرَّحْمَنِ وَلَدٌ فَأَنَا أَوَّلُ الْعُبِدِينَ ان کو کہہ دے کہ اگر خدا کا کوئی فرزند ہوتا تو میں سب سے پہلے اُس کی پرستش کرتا۔ یہ اشتہار پادری صاحبوں کی خدمت میں نہایت بجز اور ادب اور انکسار سے لکھا جاتا ہے کہ اگر یہ سچ ہوتا کہ حضرت عیسی مسیح علیہ السلام در حقیقت خدا کا فرزند ہوتا یا خدا ہوتا تو سب سے پہلے میں اُس کی پرستش یا کرتا اور میں تمام ملک میں اُس کی خدائی کی اشاعت کرتا اور اگر چہ میں دکھ اُٹھاتا اور مارا جاتا اور قتل کیا جاتا اور اُس کی راہ میں ٹکڑے ٹکڑے کیا جا تا تب بھی میں اس دعوت اور منادی سے باز نہ آتا لیکن اے عزیز و ! خدا تم پر رحم کرے اور تمہاری آنکھیں کھولے ۔ حضرت عیسیٰ علیہ السلام خدا نہیں وہ صرف ایک نبی ہے ایک ذرہ اس سے زیادہ نہیں اور بخدا میں وہ سچی محبت اُس سے رکھتا ہوں جو تمہیں ہر گز نہیں اور جس نور کے ساتھ میں اُسے شناخت کرتا ہوں تم ہر گز اُسے شناخت نہیں کر سکتے ۔ اس میں کچھ شک نہیں کہ وہ خدا کا ایک پیارا اور برگزیدہ نبی تھا اور اُن میں سے تھا جن پر خدا کا ایک خاص فضل ہوتا ہے اور جو خدا کے ہاتھ سے پاک کئے جاتے ہیں مگر خدا نہیں تھا اور نہ خدا کا بیٹا تھا۔ الزخرف : ۸۲