حقیقةُ الوحی — Page 476
روحانی خزائن جلد ۲۲ تتمه حقيقة الوحي پرچه اخبار آزاد انبالہ مورخہ ۱۶ / فروری ۱۹۰۷ ء کے صفحہ ایک میں لکھا ہے کہ دہلی میں دس دن تک برابر بارش ہو رہی ہے اور اولے بھی پڑے۔ پیسہ اخبار لاہور مورخہ ۲۳ فروری ۱۹۰۷ء کے صفحہ ۲۱ میں لکھا ہے کہ متواتر اور کثیر بارش سے بنگال کی فصل نیشکر کو نقصان پہنچا۔ پیسہ اخبار ۲۹ فروری ۱۹۰۷ء میں بھی لکھا گیا ہے کہ مدراس میں معمول سے زیادہ بارش ہوئی۔ پبلک میگزین امرتسر ۱۹۰۷ء صفحہ میں لکھا ہے کہ امرتسر میں سردی کمال جو بن پر ہے اور سلسلہ برسنے کا شروع ہے۔ اخبار سما چار لاہور ۲۶ فروری ۱۹۰۷ء میں لکھا ہے کہ بارش سے لوگ تنگ آگئے ہیں۔ روزانہ پیسہ اخبار مورخہ ۱۵ فروری ۱۹۰۷ء صفحه ۵ ۔ آرہ۔ چار روز سے برابر رحمت کی جھڑی لگی ہوئی ہے، ہو بہو موسم برسات کی کیفیت نظر آتی ہے، مخلوق گھبرا رہی ہے اور دھوپ کو ترس رہی ہے۔ روزانہ پیسہ اخبار ۸ فروری ۱۹۰۷ء صفحہ ۸ میں لکھا ہے۔ کئی دن سے بارش ہو رہی تھی ۔ کل دوبارہ بڑے زور سے پانی پڑا اسردی بڑھ گئی اور ٹھنڈی ہوا چل رہی ہے سڑکوں کی حالت تباہ ہے۔ یہ اخبار ہیں جو ہم نے اس پیشگوئی کے پورے ہونے کے لئے جو اس ملک میں بارش وغیرہ ہونے پر موقوف تھی ان کے گواہان لکھے ہیں اور اگر ہم چاہتے تو اور پچاس ساٹھ اخبار اس پیشگوئی کی تصدیق کے لئے پیش کر سکتے تھے مگر میں جانتا ہوں کہ اس قد ر ا خباروں کی شہادت کافی ہے اور ملک خود جانتا ہے کہ اس موسم بہار میں یہ غیر معمولی بارشیں ہیں جن کا علم بجز خدا تعالیٰ کے اور کسی کو بھی نہیں تھا بلکہ بارشوں اور طوفان وغیرہ کی پیشگوئی کرنے والے جو گورنمنٹ کی طرف سے مقرر ہیں جو اس کام کے لئے بڑی بڑی بھاری تنخواہیں پاتے ہیں وہ پیشگوئی کر چکے تھے کہ معمولی بارش سے زیادہ نہیں ہوگی چنانچہ پر چہ اخبار سول اینڈ ملٹری گزٹ لا ہور مورخہ ۶ اردسمبر ۱۹۰۶ ء میں اس رائے کو دیکھو جو انہوں نے آئندہ موسم کے لئے ظاہر کی ہے۔ ور له الله الله