راہ ھدیٰ

راہ ھدیٰ — Page 104

خاتم الاولياء لانه قائم بمظهريتها - " ( شرح فصوص الحکم ہندی صفحہ ۶۹) یعنی حضرت نبی کریم صلی اللہ علیہ وسلم کا مشکوۃ باطن ہی محمدی ولایت خاصہ ہے اور وہی بجنسه خاتم الاولیاء حضرت امام مہدی علیہ السلام) کا مشکوۃ باطن ہے۔کیونکہ امام موصوف آنحضرت صلی اللہ علیہ وسلم کے ہی مظہر کامل ہیں۔اس عبارت میں بھی امام مہدی کو آنحضرت صلی اللہ علیہ وسلم کی صفات کا مظہر اور بروز قرار دیا گیا ہے۔(۵) عارف ربانی محبوب سبحانی حضرت سید عبد الکریم جیلانی رحمتہ اللہ علیہ فرماتے ہیں:۔" اس (یعنی امام مهدی - ناقل) سے مراد وہ شخص ہے جو صاحب مقام محمدی ہے اور ہر کمال کی بلندی میں کامل اعتدال رکھتا ہے۔" انسان کامل اردو - باب نمبر ۶۱ - علامات قیامت کے بیان میں - صفحہ ۲۷۰ - مطبوعہ اسلامیہ سٹیم پریس لاہور - بار اول ) (1) حضرت خواجہ غلام فرید رحمتہ اللہ علیہ فرماتے ہیں :- " حضرت آدم صفی اللہ سے لے کر خاتم الولایت امام مهدی تک حضور حضرت محمد مصطفیٰ صلی اللہ علیہ وسلم بارز ہیں۔پہلی بار آپ نے حضرت آدم علیہ السلام میں بروز کیا ہے اور پہلے قطب حضرت آدم علیہ السلام ہوئے ہیں۔دوسری بار حضرت شیث علیہ السلام میں بروز کیا ہے اس طرح تمام انبیاء اور رسل صلوات اللہ صلیم میں بروز فرمایا ہے یہاں تک کہ آنحضرت صلی اللہ علیہ وسلم اپنے جسد عصری ( جسم ) سے تعلق پیدا کر کے جلوہ گر ہوئے اور دائرہ نبوت کو ختم کیا۔اس کے بعد حضرت ابوبکر صدیق میں بروز فرمایا ہے پھر حضرت عمرہ میں بروز فرمایا پھر حضرت عثمان میں بروز فرمایا۔اس کے بعد حضرت علی میں بروز فرمایا ہے۔اس کے بعد دوسرے مشائخ عظام میں نوبت بہ نوبت بروز کیا ہے اور کرتے رہیں گے حتی کہ امام مہدی میں بروز فرما دیں گے۔پس حضرت آدم سے امام مهدی تک جتنے انبیاء اور اولیاء قطب مدار ہوئے ہیں۔تمام روح محمد صلی اللہ علیہ وسلم کے مظاہر ہیں۔اور روح محمدی نے ان کے اندر بروز فرمایا ہے۔پس یہاں دو روح ہوئے