حقائق الفرقان (جلد ۴) — Page 577
۳۔مخالفانہ مخفی تدابیر کرنیوالوں کے سرّ سے۔۴۔حاسد کے شرّ سے۔فقرہ اوّل میں دراصل سب شامل ہیں اور فقرہ دوم و سوم و چہارم اُس کی تشریح ہیں۔یعنی وہ تمام چیزیں جو خدا تعالیٰ نے پیدا کی ہیں۔ان میں جو امر اس قسم کا ہے کہ کسی انسان کے واسطے موجبِ تکلیف اور دُکھ اور صرر ہو سکتا ہے۔ان سب سے خدا تعالیٰ ہم کو بچائے اور محفوظ رکھے۔دنیا میں جس قدر مفاسد پیدا ہوتے ہیں۔وہ یا تو بہ سبب تاریکی اور ظلمت کے پھیل جانے کے پیدا ہوتے ہیں۔جیسا کہ آنحضرت صلی اﷲ علیہ وسلم کے زمانہ میں دنیا میں ایک تاریکی پھیلی ہوئی تھی۔لوگ روحانیت کی باتوں سے بے خبر تھے۔نصارٰی مریم اور یسوع اور حواریوں کے بُتوں کی پُوجا کرتے تھے۔ایرانی آتش پرستی میں مصروف تھے۔ہندوکئی کروڑ دیوی دیوتاؤں کے آگے پیشانی رگڑنے میں مصروف ہو رہے تھے۔تب آنحضرت صلی اﷲ علیہ وسلم کا نور دنیا میں چمکا اور مخلوقب الہٰی کے واسطے موجب ہدایت کا ہوا۔سو یا تو مفاسد خود تاریکی کے سبب سے پیدا ہوتے ہیں۔اور یا مخالف دشمن لوگ شرارت کے ساتھ تاریکی پیدا کرنا چاہتے ہیں۔اور فاسد لوگ از روئے حسد کے فساد مچا کر اصلیت کو چھپانا چاہتے ہیں۔یہی حال ہر زمانہ میں اور ہر نبی اور مامور کے وقت میں ہوتا ہے۔آجکل بھی زمانہ میں ایک بڑی تاریکی پھیلی ہوئی ہے۔اور تمام قومیں اصلیت کو چھوڑ کر گمراہی کی طرف جاری ہیں۔اس واسطے ضرورت کے موافق خدا تعالیٰ نے اس زمانہ میں بھی ایک نور پیدا کیا ہے جو تمام ظلمات کو دور کر دیتا ہے۔اور مخلوق کو ہدایت کے راہ پر لا تا ہے۔اس کے مخالف چاہتے ہیں کہ حق پر پردہ ڈال دیں اور لوگوں کو ہدایت کے حصول سے محروم رکھیں لیکن خدا تعالیٰ اپنی باتوں کو پورا کریگا اور اپنے بندے کی صداقت کو روزِ روشن کی طرح نمایاں کرنا اُسی خدئے قادر کا کام ہے۔جس کو کوئی روک نہیں سکتا۔اس سورۃ شریفہ میں جو قرآن شریف کی آخری سورتوں میں سے ہے اس امر کی طرف اشارہ ہے کہ آخری زمانہ میں ایک برا فتنہ ہو گا۔ایک بہت بڑا شرق اٹھے گا اور ایسے وقت میں ہو گا جبکہ اﷲ تعالیٰ زمانہ میں تاریکی کو دور کرنے کے واسطے ایک صبح کو نمودار کریگا۔کیونکہ وہ رب الفلق ہے اور رات کے بعد دن کو لاتا ہے اور تاریکی کے بعد نور پیدا کرتا ہے۔اس شرّ سے بچنے کے واسطے تمام مسلمانوں کو ہمیشہ دعا کرتے رہنا چاہیئے۔کیونکہ وہ بڑا بھاری شرّ ہے۔اُس سرکا پیدا کرنیوالا خفیہ کاروائیاں بہت کریگا۔اور چھپ چھپ کر اپنی سازشیں دینِ حق کے برخلاف نہایت جد و جہد کے ساتھ کریگا۔چنانچہ ظاہر ہے کہ جس قدر خفیہ کاروائیاں مشن کا دجّال اسلام کے برخلاف کرتا ہے۔ایسی