حقائق الفرقان (جلد ۴) — Page 211
۱۰۔شہادت پر قائم رہتے ہیں۔۱۱۔صَلوٰۃ: اپنی نماز کی حفاظت کرتے ہیں۔ابْتَغٰی وَرَآئَ ذٰلِکَ: جو اس کے سوائے اَور چاہے۔وہ اس کے لئے جائز نہیں۔اس آیت کی رُو سے متعہ۔لواطت۔جلق۔مساحقت ( چپٹی) سب کے سب حرام ثابت ہو گئے۔( ضمیمہ اخبار بدر قادیان ۱۵؍ دسمبر ۱۹۱۱ء) ۳۷ تا ۳۹۔۔ ۔۔نبی کریم صلی اﷲ علیہ و آلہٖ وسلم کو سمجھانے کے واسطے عرب کے بڑے بڑے لوگ آتے تھی۔ان کی طرف ان آیات میں اشارہ ہے۔وہ لوگ آنحضرت صلی اﷲ علیہ و آلہٖ وسلم کو اپنی قومیت اور وجاہت کی طرف توجہ دلاتے تھے۔وہ لوگ اس قدر متکبّر تھے کہ عرفات میں عوام عرب کے ساتھ کھڑے بھی نہ ہوتے تھے۔بعض لوگ آزادی کو پیش کر کے اپنے آپ کو مذہب سے بے تعلق رکھنا چاہتے اور طرح طرح سے نبی کریم صلی اﷲ علیہ و آلہٖ وسلم کو بزعم خود سمجھاتے تھے۔اﷲ تعالیٰ نے انہیں سمجھایا ہے کہ ہم تو مشرق و مغرب کے مالک ہیں۔جس طرح یہ لوگ مکّہ میں بڑے بنے ہوئے تھے۔اُن جیسے ہم اور بڑے بڑے آدمی بنانے پر قادر ہیں۔چنانچہ ایسا ہی ہوا۔کہاں اہلِ عرب کے گمان میں تھا کہ ابوبکرؓ بڑا آدمی بن جائے گا اور حصرت عمر رضی اﷲ عنہ اتنے بڑے بادشاہ ہو جائیں گے۔( ضمیمہ اخبار بدر قادیان ۱۵؍ دسمبر ۱۹۱۱ء)