حقائق الفرقان (جلد ۳) — Page 405
عمال۔احکام اور چال چلن بیان کرتے ہیں۔تو اس وقت بہت لوگ شیطانی اغوا سے کہہ دیتے ہیں کہ یہ کام ہم سے نہیں ہو سکتا۔نہ ہم رسول نہ رسول کی بی بی۔میرے نزدیک یہ کہنا کفر ہے اور خدا پر بھی الزام آتا ہے۔اس لئے کہ اگر ہم سے ان احکام کا نباہ نہیں ہو سکتا۔تو کیا خدا نے کوئی لغو حکم دیا ہے۔پھر جب خدا نے نبی کی اتباع کا حکم دیا ہے۔جبکہ ہم وہ کام کر ہی نہیں سکتے۔تو ہمیں ان کی اتباع کا حکم کیوں ملا؟ میرا ایمان ہے کہ جن احکام کا متبع خدا نے ہم کو بنایا ہے۔ہم ضرور کر سکتے ہیں اور جن سے روکا ہے ان سے ہم رُک سکتے ہیں۔پس میں یقین کرتا ہوں کہ خدا نے جو حکم دئے ہیں ان کو ہم کرسکتے اور اس کے مَوَانِعَات سے ہم رُک سکتے ہیں۔رسول اﷲصلی اﷲ علیہ وسلم اور آپؐ کی بیبیاں جب مدینہ میں تشریف لائے تو مدینہ میں کوئی مکان، باغ۔زراعت یا تجارت کا سامان نہ تھا اور سب کو ایک گو نہ تکلیف تھی اور وہ اس قسم کی تکلیف نہ تھی جیسے آج کل لوگوں کو لنگر سے کھانا ملتا اور مہمان خانہ میں چارپائی ملتی بلکہ اس وقت ان چیزوں میں سے کچھ بھی نہ ملتا تھا۔پھر ایک شریر قوم یہود نے آنحضرتؐ سے سخت چھیڑ کی یعنی دس ہزار آدمی کو باہر سے چڑھا کر لائے اور اندر سے خود تباہ کرنا چاہا۔مگر خدا نے ان باہر والوں کو بھگا دیا۔اور یہود کو اس پاداش میں ہلاک کیا۔اور ان کے کل اموال آنحضرتؐ کے سپرد کئے۔اس پر کمزور طبائع کی عورتوں کو خیال آیا کہ اب ہمیں آسائش ہو جاوے گی۔اس پر یہ حکم آیا کہ اے نبی! اپنے گھر والوں سے کہہ دو کہ اگر تمہارا اصل منشاء دنیا والی زندگی اور اس کی زیب و زینت کا خیال ہے تو آؤ ہم تمہیں کچھ دے کر علیحدہ کر دیتے ہیں۔اور اگر یہ منشاء ہے کہ خدا راضی ہو۔اس کا رسولؐ راضی ہو۔آئندہ سُکھ پاؤ تو یاد رکھو۔کہ خدا کسی کا اجر ضائع نہیں کرتا۔اے نبی کی بیبیو! اگر تم میں سے کوئی بدی کا ارتکاب کرے گی تو اس کو دوہرا عذاب ملے گا اور یہ بات خدا پر آسان ہے اور جو کوئی تم میں سے خدا اور رسول کی اطاعت کرے گی اور عملِ صالح کرے گی۔دوگنا اجر دیں گے۔اے نبی کی بیبیو! کیا تم عام عورتوں کی طرح تو ہو نہیں۔جبکہ تم نے متّقی بننے کا ارادہ کیا ہے تو کوئی ایسی بات نہ کرنا کہ جس میں کسی شریر کا لحاظ پایا جاوے۔اور ایسی بات کہو جو بھلی اور پسندیدہ ہو۔اور اپنے گھروں میں بیٹھی رہو۔اور جاہلوں کی طرح باہر نہ نکلا کرو۔اور درست رکھو نماز کو اور ادا کرو زکوٰۃ کو اور اطاعت کرو خدا اور رسول کی۔تحقیق ارادہ کر لیا ہے۔خدا نے یہ کہ دور کر دے تم سے ہر قسم کی ناپاکی۔اے گھر والو۔اور تمہیں پاک کر ے۔اب غور کرو۔یہ نبی کی بیبیوں کو حکم ہے۔تم میں اگر ہماری امّ المومنین ہیں تو حکم پہلے ان کے لئے