حقائق الفرقان۔۲۰۲۴ء ایڈیشن (جلد ۶) — Page 83
حقائق الفرقان ۸۳ سُوْرَةُ الْقِيمَةِ والا ہے ( جو اسے اب بچالے) اور ( مریض ) یقین کرتا ہے۔ کہ اب جُدائی کا وقت ہے اور سخت گھبراہٹ اس پر طاری ہوتی ہے۔ اس وقت چلنا تیرے رب کی طرف ہے۔ ( تصدیق براہین احمد یہ کمپیوٹرائز ڈایڈیشن صفحہ ۱۷۴ حاشیہ ) التَّرَاقِي گلے کی ہنسلی کی جگہ ۔ رقی، يَرْقِي، رَقيًا سے ماخوذ ہے۔ وَقِيلَ مَنْ رَاقِ ۔ اس کے کئی معانی ہیں۔ ایک تو یہ کہ رقیہ سے مشتق ہے۔ جیسے بِسْمِ اللهِ أُرْقِيكَ اس صورت میں جھاڑ پھونک کے معنے ہوں گے۔ دوسرے یہ کہ رقی ترقی رُقیّا ہے۔ اس صورت میں راق کے معنے اوپر لے جانے کے ہوں گے اور اس کے کہنے والے فرشتہ ہوں گے۔ نہ میت کے پاس والے۔ فرشتہ عذاب کے اور رحمت کے آپس میں پوچھیں گے کہ رحمت کے فرشتے روح کو آسمان پر لے چڑھیں گے یا عذاب کے۔ رض وَالْتَفَّتِ السَّاقُ بِالسَّاقِ ۔ حضرت عباس فرماتے ہیں ۔ نزع روح کے وقت دنیا کا آخر اور آخرت کا اول وقت ملتا ہے ۔ یہی لَفِ سَاقَین ہے۔ حسن کہتے ہیں لفِ ساقین سے مراد کفن کا پنڈلیوں میں لپیٹنا مراد ہے۔ ایک قول یہ بھی ہے کہ لف ساق اصطلاح میں شدت مصیبت سے کنایہ ہے۔ دنیا کی مفارقت کا غم اور آخرت کے حساب و کتاب کا جھگڑا۔ یہ دونوں مل کر لفِ ساقین ہے۔ (ضمیمه اخبار بدر قادیان جلد ۱۱ نمبر ۲۶ مورخہ ۴ را پریل ۱۹۱۲ صفحه ۲۹۷) ۳۲، ۳۳ فَلَا صَدَّقَ وَلَا صَلَّى وَلَكِنْ كَذَّبَ وَتَوَلَّى - ترجمہ ۔ نہ تو تصدیق کی، نہ نماز پڑھی۔ بلکہ جھٹلاتا اور منہ پھیرتا رہا ہے۔ تفسير فَلا صَدَّقَ وَلَا صَلَّى - تصدیق رسول کو نماز پر بھی مقدم رکھا۔ حضرت مسیح موعود علیہ الصلوۃ والسلام ایک جگہ فرماتے ہیں۔ نماز می کنی و قبله را نمی دانی ندانمت چه غرض زیں نماز با باشد جماعت میں جن احباب کو غیر احمدیوں کی امامت کے مسئلہ میں تحقیق منظور ہو۔ وہ اس آیت میں صلوۃ پر تصدیق کے مقدم ہونے پر غور کریں۔ بعد تصدیق رسول یا امام زمان کے پہلی بات جس کا یوم القیامۃ حساب ہو گا وہ نماز ہے۔ حدیث شریف میں ہے۔ أَوَّلُ مَا يُحَاسَبُ بِهِ الْعَبْدُ مِنْ أَعْمَالِهِ الصَّلوةَ لے تو نماز پڑھتا ہے لیکن قبلہ کا تجھے معلوم نہیں۔ تو نہیں جانتا کہ ان نمازوں کی کیا غرض ہے۔