حقائق الفرقان۔۲۰۲۴ء ایڈیشن (جلد ۶) — Page 498
حقائق الفرقان ۴۹۸ سُوْرَةُ الْإِخْلَاصِ بربادی کا موجب ہے۔تو اس کے بالمقابل توحید اُس کی عمدگی اور آبادی کا باعث ہے۔ایسا ہی قرآن شریف میں ایک اور جگہ آیا ہے کہ لَوْ كَانَ فِيهِمَا الهَةٌ إِلَّا اللهُ لَفَسَدَنَا (الانبياء : ۳۳) اگر زمین و آسمان کے اندر اللہ کے سوائے کوئی اور معبود ہوتا۔تو ان میں فساد مچ جاتا۔فساد کی دوری اس سے ہے کہ ان میں توحید قائم کی جاوے۔۱۴۔سورۃ المانعہ : حضرت ابن عباس سے روایت ہے کہ شب معراج میں اللہ تعالیٰ نے رسول اللہ صلی اللہ علیہ وسلم کو مخاطب کر کے فرمایا کہ میں نے تجھے سورۃ اخلاص عطا کی ہے۔جو کہ عرش کے خزانوں کے ذخیروں میں سے ہے۔اور عذاب قبر سے روکتی ہے۔۱۵۔سورۃ الحضر : کیونکہ اس کے پڑھنے کے وقت فرشتے اس کے سننے کے لئے حاضر ہوتے ہیں۔۱۶۔سورۃ المنفرة: کیونکہ شیطان اسے سن کر بھاگ جاتا ہے۔۱۷۔سورۃ البراءة : کیونکہ حضرت رسول کریم صلی اللہ علیہ وسلم نے ایک شخص کو جو یہ سورۃ پڑھتا تھا فر مایا کہ تو آگ سے بری ہو گیا۔۱۸ - سورة المذكرة : کیونکہ یہ سورت انسان کو خدا تعالیٰ کی توحید یاد دلاتی ہے اور غفلت سے نکالتی ہے۔۱۹۔سورۃ النور - حضرت رسول کریم صلی اللہ علیہ وسلم نے فرمایا ہے کہ ہر ایک شے کے لئے ایک نور ہوتا ہے اور قرآن شریف کا نور قُلْ هُوَ اللهُ اَحَدٌ ہے۔۲۰۔سورۃ الامان : حدیث شریف میں آیا ہے، جس کسی نے کہا لا إلهَ إِلَّا الله وہ اللہ کے قلعہ میں داخل ہوا، جو قلعہ میں داخل ہوا، اُس نے امان پائی۔حدیث شریف میں آیا ہے کہ ایک شخص آنحضرت صلی اللہ علیہ وسلم کے پاس آیا اور عرض کی کہ یا رسول الله إنِّي أُحِبُّ هذهِ السُّورَةَ۔میں اس سورہ (اخلاص) سے محبت رکھتا ہوں۔آنحضرت صلی اللہ علیہ وسلم نے فرمایا۔حُبُّكَ إِيَّاهَا أَدْخَلَكَ الْجَنَّةَ اس کی محبت تجھے بہشت میں داخل کر دیگی۔