حقائق الفرقان۔۲۰۲۴ء ایڈیشن (جلد ۶) — Page 494
حقائق الفرقان ۴۹۴ سُوْرَةُ الْإِخْلَاصِ ہے اور ایک بڑا فرقہ عیسائیوں کا اب تک مریم کی پرستش کرتا ہے۔وَ لَمْ يَكُن لَّهُ كُفُوًا اَحَدُ : اور نہ اس کے واسطے کوئی کفو ہے۔کفو کے لغوی معنے ہیں نظیر اور مثل۔عرب میں بولا کرتے ہیں هَذَا كَفُوكَ أى نَظِيرُكَ یہ تیرا کفو ہے۔حضرت ابن عباس فرماتے ہیں لَيْسَ لَهُ كُفُو وَلَا مِثْلُ۔مجاہد کا قول ہے کہ کفو سے مراد صاحبہ یعنی جوڑو ہے جیسا کہ ایک اور جگہ اللہ تعالیٰ نے قرآن شریف میں فرمایا ہے۔بَدِيعُ السَّمَوتِ وَ الْأَرْضِ أَثْى يَكُونُ لَهُ وَلَدٌ وَ لَمْ تَكُن لَّهُ صَاحِبَةٌ وَ خَلَقَ كُلَّ شَيْءٍ (الانعام : ۱۰۲) وہ آسمانوں کا اور زمین کا بنانے والا ہے۔اس کا ولد کہاں سے آ گیا۔جبکہ کوئی اس کی کوئی جوڑو نہیں اور اس نے ہر شئے پیدا کی ہے اور ہر شئے اس کی مخلوق ہے نہ کہ اولاد۔یہاں تک ہم نے اس سورہ شریفہ کے الفاظ کے معانی اور ان کی تشریح مفصل بیان کر دی ہے۔اب اس سورہ کے مضمون پر اور اس کے فوائد اور عجائبات پر کچھ بیان کیا جاتا ہے۔یہ سورہ شریفہ باوجود مختصر ہونے کے بڑے عظیم الشان مطالب اور مضامین پر مشتمل ہے۔لکھا ہے کہ سورہ الحمد سارے قرآن شریف کا خلاصہ ہے اور آخری دوسورتیں معوذتین آخری دعائیں ہیں اور قرآن شریف کا متن سورۃ بقرہ سے شروع ہوتا ہے اور سورۃ اخلاص پر ختم ہوتا ہے۔اس صورت میں یہ سورۃ قرآن شریف کی سب سے آخری سورۃ ہے اور لطف یہ ہے کہ یہ سورہ آخری زمانہ کے عظیم الشان فتنہ عیسائیت سے بچنے کے واسطے ایک بڑا ہتھیار ہے۔اس سورۃ میں اللہ تعالیٰ کی توحید پر بالخصوص زور دیا گیا ہے۔کہ وہ ایک خدا ہے۔اس کا کوئی بیٹا نہیں اور نہ اس کا کنبہ قبیلہ ہے۔اس میں عیسوی مذہب کی تردید کی گئی ہے۔کیونکہ دین عیسوی کا تمام دارو مدار تثلیث پر ہے کہ ایک خدا باپ ہے اور ایک خدا بیٹا ہے اور ایک خدا روح القدس ہے۔عیسائیوں نے ایک کنبہ خدا کا یہاں مقرر کیا ہے۔کوئی باپ ہے۔کوئی بیٹا ہے۔کوئی روح القدس ہے مگر اللہ تعالیٰ نے۔