حقائق الفرقان۔۲۰۲۴ء ایڈیشن (جلد ۶) — Page 176
حقائق الفرقان سُوْرَةُ الْمُطَفِّفِينَ ان کے لئے موجود تھے اور تختوں پر بیٹھنے کی پیشگوئی تو صراحتنا بلا تاویل موجود ہے۔ان کو اللہ تعالیٰ نے تخت نشینی عطا کی۔یہ تمام انعامات جو اگلی آیات میں بیان کئے ہوئے ہیں۔انہیں ملے۔اور ان کے متعلق تفسیری نوٹ ہم پہلے لکھ چکے ہیں۔عرض منکرین رسالت کی ناکامی اور نامرادی اور آپ کے صادق مخلصین اور متبعین کی کامیابیوں نے جن کے متعلق پیشگوئیاں کی گئی تھیں پورا ہو کر آخرت کے عذاب اور آرام جنت کے متعلق بھی تصدیق کر دی۔بالآخر پھر یہ بتایا کہ اگر چہ آج یہ حالت ہے کہ خدا سے قطع تعلق کر نیوالے مومنین پر بہتان اڑاتے ہیں اور ٹھٹھے مارتے ہیں مگر وقت آتا ہے کہ مؤمنین کامیاب ہو جائیں گے اور یہ بننے والے خود ہنسی کا موجب ہو جاویں گے۔چنانچہ ایسا ہی ہوا۔غرض اس سورۃ شریف میں بھی یوم الدین کا ثبوت اور آنحضرت صلی اللہ علیہ وسلم کی نبوت کا ثبوت ان واقعات سے دیا ہے۔جن کو قبل از وقت پیشگوئی کے رنگ میں بتایا گیا تھا۔(ضمیمه اخبار بدر قادیان جلد ۱۱ مورخه ۱۳ جون ۱۹۱۲ء صفحه ۳۱۴)