حقائق الفرقان۔۲۰۲۴ء ایڈیشن (جلد ۵) — Page 67
حقائق الفرقان ۶۷ سُورَةُ الزُّمَرِ سُوْرَةُ الزُّمَرِ مَكَّيَّةٌ بِسْمِ اللهِ الرَّحْمَنِ الرَّحِيمِ - ہم سورہ زمر کو پڑھنا شروع کرتے ہیں اس اللہ کے نام سے جو رحمن اور رحیم ہے۔ - تَنْزِيلُ الْكِتَبِ مِنَ اللَّهِ الْعَزِيزِ الْحَكِيمِ - ترجمہ ۔ یہ کتاب اُس اللہ کی طرف سے اُتری ہے جو عزیز حکیم ہے۔ تفسیر۔ لوگ معززوں اور حکیموں کی بڑی قدر کرتے ہیں۔ اللہ تعالیٰ فرماتا ہے کہ یہ عزیز وحکیم کی کتاب ہے۔ ضمیمه اخبار بدر قادیان جلد ۱۰ نمبر ۳ مورخہ ۱۷ نومبر ۱۹۱۰ ء صفحه ۲۱۶) - إِنَّا أَنْزَلْنَا إِلَيْكَ الْكِتَبَ بِالْحَقِّ فَاعْبُدِ اللهَ مُخْلِصًا لَهُ الدِّينَ - ترجمہ ۔ ہم نے کتاب کو حق کے ساتھ تیری طرف اتارا ہے تو تو اللہ ہی کی عبادت کر اُسی کے لئے خالص دین بنا کر ۔ تفسیر۔ عبادت ۔ اعلیٰ سے اعلی محبت معبود کی جس سے پرے کوئی درجہ نہ ہو۔ اعلیٰ سے اعلیٰ درجہ کی عظمت معبود کی جس سے پرے کوئی درجہ نہ ہو۔ اعلیٰ سے اعلیٰ درجہ کا تذلل معبود کی خدمت میں جس سے پرے کوئی درجہ نہ ہو۔ ایک برہمو نے مجھ سے کہا کہ آپ مکہ معظمہ کی پرستش کرتے ہیں۔ میں نے کہا کہ پرستش کے کیا معنے ہیں بتاؤ۔ اس نے کہا پوجا۔ میں نے کہا۔ پوجا کس کو کہتے ہیں۔ تب اس نے پرستش کے معنے بتائے کہ اس کو کہتے ہیں جس میں دھیان ہو۔ عظمت ہو۔ میں نے ایک شخص سے کہا کہ ذرا نماز پڑھ کر دکھاؤ۔ اس نے نماز پڑھی۔ میں نے اس برہمو سے دریافت کیا کہ بتاؤ۔ اس میں مکہ معظمہ کا کوئی دھیان یا عظمت ہے یا دُعا ہے۔