حقائق الفرقان۔۲۰۲۴ء ایڈیشن (جلد ۵) — Page 399
حقائق الفرقان ۳۹۹ سُوْرَةُ الْمُلْكِ اور ان ملائکہ کے مد مقابل یا ضد ظلمت و ہلاکت۔دوری اور عدم کے فرزند شیاطین اور ارواح خبیثہ ہیں۔ان کے تعلقات سے ان کی جماعت دوست بنتی ہے۔آخر اللہ تعالیٰ پھر فرشتوں، ملائکہ، دیوتا ، ابر من، ارواح خبیثہ ، آئر، شیاطین کے تعلقات سے ان مظاہر قدرت سے تعلقات پیدا ہو جاتے ہیں۔پھر آخر کا راچھے لوگوں کو اور اچھے لوگوں سے پیوستگی ہو جاتی ہے۔اور بروں کو اور بروں سے۔بلکہ یہ تعلقات اس قدر ترقی پذیر ہوتے ہیں کہ ذرات عالم میں اچھے ذرات کا اچھوں سے تعلق ہوتا ہے۔اور برے موذی دکھ دائک ذرات کا بروں سے۔کیا کوئی شخص تاریخی مشاہدات اور تجارب صحیحہ سے ہمیں بتا سکتا ہے کہ آتشک اور خاص سوزاک، جذام اور گھناؤنے اور گندے گندے امراض اور جان گداز ناکامیاں،ماموروں ، مرسلوں اور ان کے پاک جانشینوں کو لاحق ہوتی ہیں یا ان کے مخالفوں کو؟ قرآن کریم کیسے زور سے دعوای فرماتا ہے کہ مقبولان و مقربانِ الہی کے یہ سچے نشان ہیں۔اسی واسطے کوئی صحابی حضرت خاتم النبین بہرہ نہیں ہوا۔أولَبِكَ حِزْبُ اللهِ أَلَا إِنَّ حِزْبَ اللهِ هُمُ الْمُفْلِحُونَ - (المجادلة: ٢٣) ترجمہ : یہی لوگ خدا کی جماعت ہیں اور یاد رکھو۔خدا کی جماعت مظفر و منصور ہے اور فرمایا: وَ لِلَّهِ الْعِزَّةُ وَلِرَسُولِهِ وَلِلْمُؤْمِنِينَ وَلَكِنَّ الْمُنْفِقِينَ لَا يَعْلَمُونَ (المنافقون: 9) ترجمہ۔اور غلبہ سدا اللہ اور اس کے رسول اور مومنوں کے لئے ہے لیکن منافق نہیں جانتے۔اور فرمایا: إنَّا لَتَنْصُرُ رُسُلَنَا وَالَّذِينَ آمَنُوا فِي الْحَيَوةِ الدُّنْيَا وَ يَوْمَ يَقُومُ الْأَشْهَادُ (المومن : ۵۲) ترجمہ : ہم ضرور کامیاب کرتے ہیں اپنے رسولوں اور مومنوں کو دنیا کی زندگی میں اور پیش ہونے والوں کے پیش ہونے کے دن۔اس جنگ اور اولیاء اللہ کی کامیابی کے متعلق جسے دیو۔اسر سنگرام کہتے ہیں۔ہم نے اس رسالہ میں بہت جگہ تذکرہ کیا ہے۔چوتھا امر۔قابل بیان یہ ہے کہ وسائل ووسائط کو تمام دنیا کے مذاہب ضروری تسلیم کرتے ہیں۔