حقائق الفرقان۔۲۰۲۴ء ایڈیشن (جلد ۵) — Page 344
حقائق الفرقان ۳۴۴ سُوْرَةُ الْجُمُعَةِ صحیح ثابت ہے کیونکہ جب اس جہان میں آنحضرت صلی اللہ علیہ وسلم کے ارشاد کے موافق وہ معذب ہوئے تو آنحضرت صلی اللہ علیہ وسلم کے ارشاد کے موافق وہ اُس جہان میں بھی معذب ہوں گے۔اب اس قوم کا فیصلہ کر کے اللہ تعالیٰ صرف مومنوں کو مخاطب کرتا ہے۔یا بہ تغیر الفاظ یوں کہو کہ آخَرِيْنَ مِنْهُمْ لَمَّا يَلْحَقُوا بِهِمْ کی مصداق قوم کو مخاطب کرتا ہے اور پہلے اس قوم کا ذکر کیا کہ جنہوں نے نشابہ بالیہود کیا۔اخَرِينَ مِنْهُمْ لَمَّا يَلْحَقُوا بِهِمْ کے مصداق گروہ کو مخاطب کر کے فرماتا ہے يَاأَيُّهَا الَّذِينَ امَنُوا إِذَا نُودِيَ لِلصَّلوةِ مِن يَوْمِ الْجُمُعَةِ۔۔۔الآية یعنی اے مومنو! جب تم نماز کے لئے جمعہ کے دن پکارے جاؤ۔تو اللہ کے ذکر کی طرف کوشش کر کے چلے آؤ ذُلِكُمْ خَيْرٌ لَّكُمْ یہ تمہارے لئے بہتر ہے۔میں نے ابھی کہا ہے کہ یہ آیت اَخَرِيْنَ مِنْهُمْ لَمَّا يَلْحَقُوا بِهِمْ کے نیچے ہے۔اور یہ بالا تفاق مانا گیا ہے کہ وہ مسیح موعود و مہدی مسعود کا زمانہ ہے۔کھلے الفاظ میں میں یوں کہتا ہوں کہ یہ قوم ہماری قوم احمدی قوم ہے اور تم کو اللہ تعالیٰ مخاطب کر کے فرماتا ہے۔مسیح موعود کا زمانہ بھی حقیقت میں ایک جمعہ ہے۔جیسا کہ آدم علیہ السلام کی پیدائش کی تعمیل جمعہ کی آخری ساعت میں ہوئی تھی۔اسی طرح پر یہ ضروری تھا کہ آدم ثانی کی بعثت بھی جمعہ ہی کہلائے۔اور جس طرح پر جمعہ کے دن باقی ائمہ کو معطل کر دیتا ہے اور مسلمانوں کو ایک مسجد میں جمع کر کے ایک ہی امام کے تابع کر دیتا ہے۔مسیح موعود کا نام اِمَامُكُمْ مِنْكُمْ اسی لئے رکھا گیا ہے۔اور حکم بھی اسی واسطے رکھا گیا ہے یہ باتیں میں محض خوش اعتقادی کی بناء پر نہیں کہتا۔بلکہ میں یقین رکھتا ہوں اور اللہ تعالیٰ نے جہاں تک مجھے سمجھایا ہے۔ہاں اس نے آپ سمجھایا ہے۔قرآن شریف اسی مطلب کو ادا کرتا ہے اور قرآن شریف نے اس آیت میں نُفِخَ فِي الصُّورِ فَجَمَعْنَهُمْ جَدُعا۔(الکھف: ١٠٠) میں اس کی طرف اشارہ کیا ہے یہی وجہ ہے کہ آیت اخرین لے اور صور پھونکا جائے گا پھر ہم ان سب کو جمع کریں گے بخوبی۔