حقائق الفرقان۔۲۰۲۴ء ایڈیشن (جلد ۵) — Page 242
حقائق الفرقان ۲۴۲ سُورَةُ الرَّحْمَنِ حصول مراد نہیں ہے۔ لا حَوْلَ وَلا قُوَّةَ إِلَّا یا اللہ بلکہ ایسا تو کبھی میرے وہم وگمان میں بھی نہیں آیا اور نہ ہی ایسی میری کبھی اپنی ذات یا اپنی اولاد کے واسطے خواہش ہوئی ہے۔ عام طور پر لوگوں کے دلوں میں آج کل علم سے بھی ظاہری علم مراد لیا گیا ہے۔ اور ہزا رہا انسان ایسے موجود ہیں کہ جن کو دن رات یہی تڑپ اور لگن لگی ہوئی ہے کہ کسی طرح وہ بی ۔ اے یا ایم ۔ اے یا ایل۔ ایل بی کی ڈگریاں حاصل کر لیں ۔ ان لوگوں نے اصل میں ان علوم کی دُھن ہی چھوڑ دی ہے۔ جن پر سچے طور پر علم کا لفظ صادق آ سکتا ہے۔ پس ہماری مراد ترقی علم سے خدا کی رضا مندی کے علوم اور اخلاق فاضلہ سیکھنے کے علوم ۔ وہ علوم جن سے خدا کی عظمت اور جبروت اور قدرت کا علم ہو اور اس کے صفات، اس کے حسن و احسان کا علم آجاوے۔ غرض وہ گل علوم جن سے تعظیم لامر اللہ اور شفقت علی خلق اللہ کا علم آجاوے ۔ مراد ہیں ۔ الحکم جلد ۱۲ نمبر ۲۸ مورخه ۱۸ را پریل ۱۹۰۸ صفحه ۱۴ ) ٦ - الشَّمْسُ وَالْقَمَرُ بِحُسْبَانِ - ترجمہ ۔ سورج و چاند حساب سے گردش کر رہے ہیں (یعنی اپنے محور پر تو حساب کو باہم نہ ملانا چاہئے ) ۔ تفسیر تو رات میں کچھ شمسی حسابات ہیں ، کچھ قمری دونوں میں غور کرو۔ نبی کریم کی پیدائش کا وقت مل جائے گا ۔ ( تشحید الا ذبان جلد ۸ نمبر ۹ - ماہ ستمبر ۱۹۱۳ ء صفحه (۴۸۳) انسان کے الفاظ میں کمزوری ہے۔ انسان کے فلسفے میں کمزوری ہے۔ جوں جوں زمانہ نئے نئے علوم دریافت کرتا ہے۔ وہ اپنے حالات، اپنی اصطلاحات کو بدلتا جاتا ہے۔ لیکن خدا کے کلام میں اس قسم کی کمزوری نہیں ہوتی ۔ بلکہ جوں جوں سائنس ترقی کرتی ہے۔ اس کی صداقت ظاہر ہوتی ہے۔ دیکھئے انسان کے جبر و اختیار پر بعض علماء نے بڑی بحث کی ہے۔ اور اس میں کوئی فیصلہ گن بات نہیں کہہ سکے۔ قرآن مجید نے ان الفاظ کو اختیار ہی نہیں کیا بلکہ ان کی بجائے استطاعت ، مقدرت اور تمکن فرمایا اور اعجاز و معجزے کے بدلے سلطان و آیات رکھا۔ اسی طرح محسبان ایسا لفظ ہے کہ