حقائق الفرقان۔۲۰۲۴ء ایڈیشن (جلد ۵) — Page 186
حقائق الفرقان ۱۸۶ سُوْرَةُ الْفَتْحِ ۷ تا ۱۰ - وَيُعَذِّبَ الْمُنْفِقِينَ وَالْمُنْفِقْتِ وَالْمُشْرِكِينَ وَالْمُشْرِكَتِ b ج الظَّانِيْنَ بِاللَّهِ ظَنَّ السَّوْءِ عَلَيْهِمْ دَابِرَةُ السَّوْءِ ۚ وَغَضِبَ اللهُ عَلَيْهِمْ وَ لَعَنَهُمْ وَاَعَدَّ لَهُمْ جَهَنَّمَ وَسَاءَتْ مَصِيرًا وَلِلَّهِ جُنُودُ السَّمَوتِ وَ الْأَرْضِ وَ كَانَ اللهُ عَزِيزًا حَكِيمًا - إِنَّا اَرْسَلْنَكَ شَاهِدًا وَ مُبَشِّرًا وَ نَذِيرًا - لِتُؤْمِنُوا بِاللهِ وَ رَسُولِهِ وَتُعَزِّرُوهُ وَ تُوَقِّرُوهُ وَتُسَبِّحُوهُ بُكْرَةً وَ أصِيلًا - ترجمہ۔اور ان منافق مرد اور عورتوں کو عذاب دے گا اور مشرک مرد اور عورتوں کو جو گمان کرتے ہیں اللہ کے ساتھ بُرا۔انہی پر پڑے گا مصیبت کا بُرا چکر اور اللہ ان پر خفا ہوا اور در بدر کر دیا اُن کو اور ان کے لئے تیار کر رکھا ہے جہنم اور وہ بہت ہی بُری جگہ ہے۔اور اللہ ہی کے لشکر ہیں آسمان اور زمین کے اور اللہ بڑا ز بر دست حکمت والا ہے۔بے شک ہم نے تجھ کو بھیجا ہے بادشاہ بنا کر جو دوستوں کو خوش خبری سنانے والا دشمنوں کو ڈرانے والا ہے۔تاکہ تم ایمان لاؤ اللہ اور اس کے رسول پر اور اس کی مدد کرو اور اس کی تعظیم کرو اور اللہ ہی کی تسبیح کرو صبح و شام۔تفسیر۔اور اللہ سزا دے گا منافق مرد و عورت اور مشرک مرد و عورت کو جو اللہ کی نسبت بدظنی رکھتے ہیں۔انہیں کے اوپر برائی کا پھیر ہے اور اللہ ان پر ناراض ہوا اور ان پر لعنت کی اور ان کیلئے جہنم تیار کیا۔اور وہ برا ٹھکانہ ہے ( یہ لوگ اپنی دولت ، کثرت اور قوت پر فریفتہ نہ ہوں اور اپنے موجودہ وقت کو جس سے سزا ابھی غائب ہے۔سر دست آرام کا زمانہ تصور فرما کر مغرور نہ ہو جاویں۔ان کو سزا دینا ، ان کا استیصال کرنا اور عقل و فکر انسان سے باہر نا اندیشہ سامانوں کا ہلاکت کے بہم پہنچانا ہم پر کچھ دشوار نہیں ہے۔اسباب ہمارے ہیں اور اسباب کے خالق ہم ہیں ) اور آسمان وزمین کے لشکر اللہ کے قبضہ میں ہیں اور اللہ غالب حکمت والا ہے۔ہم نے تجھ کو (اے نبی ) شاہد ، مبشر ، نذیر بھیجا ہے (اب ضرور ہے کہ تم لوگ اللہ اور اس کے رسول پر ایمان لاؤ۔اسے ( رسول کو ) قوت دو اور اس کی تعظیم کرو۔اور صبح و شام اللہ کے نام کی تقدیس کرو۔( تصدیق براہین احمد یہ کمپیوٹرائز ڈایڈ یشن صفحہ ۲۰۰ حاشیه )