حقائق الفرقان۔۲۰۲۴ء ایڈیشن (جلد ۵) — Page 100
حقائق الفرقان ١٠٠ سُوْرَةُ الْمُؤْمِنِ ۴۱ و ٢١ - مَنْ عَمِلَ سَيِّئَةً فَلَا يُجْزَى إِلَّا مِثْلَهَا ۚ وَمَنْ عَمِلَ صَالِحًا مِنْ ذَكَرٍ أَوْ انْثَى وَهُوَ مُؤْمِنٌ فَأُولَئِكَ يَدْخُلُونَ الْجَنَّةَ يُرْزَقُونَ فِيهَا بِغَيْرِ حِسَابٍ - ترجمہ ۔ تو جس نے برا کام کیا تو اُسے سزا اُتنی ہی ملے گی جتنا اس نے کیا ہے اور جس نے نیک کام کیا وہ مرد ہو یا عورت بشرطیکہ وہ ایمان والا ہو تو ضرور یہی لوگ بہشت میں داخل ہوں گے ان کو رزق ملے گا وہاں بے شمار ۔ تفسیر۔ جس قدر مومن کا ایمان بڑھتا ہے۔ اسی قدر وہ بڑے فضل کو جذب کرتا ہے اور اسے حاصل کرتا ہے۔ جیسے جس قدر روشندان اور فتیلہ بڑا ہو گا اسی قدر زیادہ روشنی کو کھینچے گا۔ اب اگر کوئی یہ سوال کرے کہ جب ایمان فضل کو بلاتا ہے اور فضل سے نجات ہے تو اعمال کیا ہوئے ۔ کیا اعمال لغو اور بیکار ہوں گے تو معلوم ہوا کہ سائل نے ایمان اور اعمال نیک کا تعلق نہیں سوچا۔ کیونکہ نیک اعمال اور سچا ایمان ایک دوسرے کو لازم و ملزوم ہے۔ سچا ایمان نیک اعمال کا بیج ہے اور اچھے بیج کا ضرور ہاں اچھا ہی پھل ہوتا ہے۔ ( فصل الخطاب المقد مہ اہل الکتاب حصہ دوم صفحه ۲۹۳) اور جس نے کی ہے بھلائی وہ مرد ہو یا عورت اور وہ یقین رکھتا ہو۔ سو وہ لوگ جائیں گے بہشت میں ۔ روزی پائیں گے وہاں بے شمار ۔ ( فصل الخطاب لمقدمہ اہل الکتاب حصہ دوم صفحه ۲۹۳ حاشیہ ) ۴۲۔ وَيُقَوْمِ مَا لَى ادْعُوكُمْ إِلَى النَّجوةِ وَ تَدْعُونَنِي إِلَى النَّارِ - ترجمہ ۔ اور اے قوم! مجھے کیا ہو گیا ہے کہ میں تمہیں بلاتا ہوں نجات کی طرف اور حالانکہ تم مجھ کو بلاتے ہو جہنم کی طرف۔ تفسیر الى النجوة - اونچے پر آ جاؤ۔ جہاں ہر قسم کے عذابوں سے محفوظ رہو ۔ (ضمیمه اخبار بدر قادیان جلد ۱۰ نمبر ۶ مورخه ۸ دسمبر ۱۹۱۰ ء صفحه ۲۱۹) ۴۷ - النَّارُ يُعْرَضُونَ عَلَيْهَا غُدُوا وَ عَشِيًّا وَيَوْمَ تَقُومُ السَّاعَةُ أَدْخِلُوا الَ فِرْعَوْنَ أَشَدَّ الْعَذَابِ - ترجمہ ۔ وہ آگ ہے کہ اس پر حاضر کئے جاتے ہیں صبح و شام اور جس دن قیامت قائم ہوگی تو حکم ہوگا کہ داخل کر و فرعون والوں کو سخت سے سخت عذاب میں ۔