حقائق الفرقان۔۲۰۲۴ء ایڈیشن (جلد ۱) — Page vii
بِسْمِ اللهِ الرَّحْمٰنِ الرَّحِيمِ نَحْمَدُهُ وَنُصَلَّى عَلَى رَسُوْلِهِ الْكَرِيمِ عرض حال سید نا حضرت حکیم مولوی نور الدین خلیفہ مسیح الا قول رضی اللہ عنہ کو کام اللہ سے والہانہ محبت اور بے پنہ عشق تھا۔اس عاشقانہ محبت کی وجہ سے آپ قرآن کریم پر غور وفکر میں عمر بھر مشغول و مصروف رہے۔چنانچہ قرآن مجید کے حقائق و معارف آپ پر کھولے گئے اور معانی و مطالب قرآن سے آپ کو آگہی بخشی گئی۔آپ نے زندگی کا ہر دقیقہ خدمت قرآن میں گذارا۔اس برکت سے آپ کو نور اور فیض عطا ہوا۔آپ نے اس کو پھیلانے کی ہر دم کوشش جاری رکھی اور قرآن کریم کی تشریح وتفسیر کے لئے درس دیئے۔الحکم اور بدر کے ایڈیٹرز نے اس علم لدنیہ کے خزانے کو شائع کر کے انہیں محفوظ کرنے کی سعادت پائی۔جزاهم الله احسن الجزا۔ایڈیٹر صاحب البدر فرماتے ہیں۔اس جگہ اس بات کا ذکر کر دینا بھی ضروری خیال کرتا ہوں کہ اگر چہ میں نے بہت دفعہ حضرت خلیفہ اسیح کا درس سنا ہے۔تاہم ان نوٹوں کی طیاری میں یادداشتوں پر اکتفاء نہیں کیا بلکہ بعض دیگر دوستوں کی نوٹ بکیں بھی دیکھی ہیں۔جن میں سے قابل ذکر میرے مکرم دوست جناب اکبرشاہ خاں صاحب ہیں۔اللہ تعالیٰ انہیں جزائے خیر دے اور انہیں دینی دنیوی حسنات سے مالا مال کرے اور اس کے علاوہ دو تین تفسیروں کو بھی مدنظر رکھا ہے۔جن میں سے اس جگہ قابل ذکر شیخ یعقوب علی عرفانی ایڈیٹرالحکم کی تالیف کردہ تفسیر بنام ترجمتہ القرآن ہے جسے میں نے بہت مفید اور کارآمد نکات اور لطائف کا مجموعہ پایا ہے۔ضمیمه اخبار بدر ۹ / نومبر ۱۹۱۱ء نمبر ۲، ۱۱،۳)