حقائق الفرقان۔۲۰۲۴ء ایڈیشن (جلد ۱) — Page 413
حقائق الفرقان ۴۱۳ سُوْرَةُ الْبَقَرَة ہے اور اپنی ضروریات مثل بھوک، پیاس، لباس اور معاشرت وغیرہ سب سے اسے محروم رہنا پڑتا ہے۔اس لئے آگے إِلَّا اللہ کہہ کر ان سب باتوں کا گر بتلا دیا ہے کہ تم سب کچھ کر ولیکن اللہ کے فرماں بردار بن کر کرو۔پھر دیکھو کہ دنیا تمہاری بنتی ہے کہ نہیں۔کھانا کھاؤ۔کیوں؟ صرف اس لئے کہ خدا کا حکم كُلوا ہے۔پانی پیو۔کیوں؟ صرف اسی لئے کہ اشیر بُوا خدا کا حکم ہے۔اپنی بیبیوں سے معاشرت کرو۔کیوں؟ صرف اس لئے کہ عَاشِرُوهُنَّ کا حکم ہے۔غرضیکہ اسی طرح سے اپنے بیگانے ، ماں باپ اور حکام وقت کی اطاعت وغیرہ سب کاموں کو خدا کے حکم اور اطاعت کے موافق بجالاؤ۔یہ معنے ہیں إِلَّا الله کے کہ میں حالت عسر اور یسر میں صرف خدا کا فرماں بردار ہوں۔اب انسان کو غور کرنا چاہئے کہ صبح سے لے کر شام تک اور شام سے لے کر صبح تک جس قدر حرکت وسکون وہ کرتا ہے اگر وہ خدا کے حکم سے اور فرمان کے بموجب کرتا ہے تو وہ اس کلمہ میں سچا ہے ورنہ وہ اسے کہنے کا کیونکر مستحق ہے۔میں یہاں کس لئے آیا ہوں۔دیکھو بھیرہ میں میرا امکان پختہ ہے اور یہاں میں نے کچے مکان بنوائے اور ہر طرح کی آسائش مجھے یہاں سے زیادہ وہاں مل سکتی تھی۔مگر میں نے دیکھا کہ میں بیمار ہوں اور بہت بیمار ہوں۔محتاج ہوں اور بہت محتاج ہوں۔لاچار ہوں اور بہت ہی لاچار ہوں۔پس میں اپنے ان دکھوں کے دور ہونے کے لئے یہاں ہوں۔اگر کوئی شخص قادیان اس لئے آتا ہے کہ وہ میرانمونہ دیکھے یا یہاں آ کر یا کچھ عرصہ رہ کر یہاں کے لوگوں کی شکایتیں کرے تو یہ اس کی غلطی۔اور اس کی نظر دھوکا کھاتی ہے کہ وہ بیماروں کو تندرست خیال کر کے ان کا امتحان لیتا ہے۔یہاں کی دوستی ہے اور تعلقات، یہاں کا آنا اور یہاں سے جانا اور یہاں کی بود و باش ، سب کچھ لا إلهَ إِلَّا الله کے ماتحت ہونی چاہئے ، ورنہ اگر روٹیوں اور چار پائیوں وغیرہ کے لئے آتے ہو تو بابا! تم میں سے اکثروں کے گھر میں یہاں سے اچھی روٹیاں وغیرہ موجود ہیں پھر یہاں آنے کی ضرورت کیا ؟ تم اس اقرار کے قائل ٹھیک ٹھیک اسی وقت ہو سکتے ہو جب تک تمہارے سب کام خدا کے لئے ہوں۔اگر کوئی تمہارا دشمن ہے تو اس سے خوف مت کرو۔خدا تعالیٰ فرماتا ہے۔اِنَّ الَّذِينَ