حقائق الفرقان۔۲۰۲۴ء ایڈیشن (جلد ۱) — Page 353
حقائق الفرقان ۳۵۳ سُورَةُ الْبَقَرَة تفسیر۔ دنیا کے لوگ عزت چاہتے ہیں ۔ اولاد چاہتے ہیں۔ کامیابی چاہتے ہیں۔ ذکر خیر چاہتے ہیں ۔ اللہ تعالیٰ نے ان تمام نعمتوں سے ابراہیم کو متمتع کیا۔ ان کی اولاد دیکھو کہ کوئی حساب نہیں ۔ عظمت کا یہ حال ہے کہ مسلمان، یہودی ، صابی ، پارسی ، عیسائی باوجود بہت سے اختلاف کے ان کو یکساں معزز و مکرم مانتے ہیں افسوس کہ بعض لوگوں نے باوجود صديقًا نَبِيًّا نص صریح کے بعض روایات کی بنا پر انہیں جھوٹ بولنے کا الزام دیا ہے۔ تو رات میں ہے کہ جو تیری بے ادبی کرے گا میں اسے ذلیل کروں گا۔ جو تیرے لئے برکت مانگے گا میں اسے برکت دوں گا اسی لئے اللَّهُمَّ بَارِكْ عَلَى مُحَمَّد پڑھنے کی ہدایت ہے۔ اللہ تعالیٰ فرماتا ہے کہ ایسے عدیم النظیر انسان کی ملت سے کون يرغب بے رغبتی کرتا ہے۔ ملة - اللہ تعالیٰ کوئی شریعت کسی نبی کی معرفت یا نبیوں کی معرفت قوم کو دیتا ہے جس کے ذریعے سے اس قوم کے آگے خدا کے قریب پہنچ سکیں تو اس کا نام ملت ہے۔ دین و ملت میں یہ فرق ہے کہ دین کی نسبت اللہ اور لوگوں کی نسبت ہو سکتی ہے یعنی دین اللہ مگر ملت اللہ نہیں کہتے۔ سفة - جو کپڑا برا بنا ہوا ہوا سے سفیہ کہتے ہیں ۔ ثَوْب سَفِیة ۔ ایسے ہی جو مہار خراب ہوا سے بھی سفیہ کہتے ہیں۔ زمامٌ سَفِيه غرض سفیہ کا اطلاق او چھے، کم عقل اور اُس شخص پر ہوتا ہے جو دین و دنیا میں ناعاقبت اندیشی سے کام لے ۔ لا تُؤْتُوا السُّفَهَاءَ أَمْوَالَهُمْ قرآن شریف میں آیا۔ ابراہیم میں جو خوبی بدرجہ کمال تھی ۔ وہ یہ ہے کہ جب اللہ نے اُسے فرمایا اسلم فرماں بردار بن جاتو اس نے پوچھا نہیں کہ کس بات میں ۔ بلکہ کہہ دیا اسْلَمْتُ لِرَبِّ الْعَلَمِينَ میں پہلے فرمانبردار ہو چکا کیونکہ میں یقین رکھتا ہوں کہ میرا رب جو کچھ کہے گا وہ ربوبیت کی شان سے کہے گا اور اس حکم میں میری ہی تربیت منظور ہوگی ۔ پھر یہ کہ اپنی جان تک ہی اس تعلیم کو محدود نہیں رکھا بلکہ اپنی اولا د کو بھی اسی ملت کی وصیت کی۔ ضمیمه اخبار بدر قادیان جلد ۸ نمبر ۲۱ مورخه ۱۸ مارچ ۱۹۰۹ء صفحه ۲۱) ے مال ان کے حوالے نہ کرو جو کم عقل ہوں۔ ۲ میں تو رب العالمین کا فرمانبردار ہو چکا۔ (ناشر)