قرآن مجید کا محافظ اللہ تعالیٰ ہے

قرآن مجید کا محافظ اللہ تعالیٰ ہے — Page v

قرآن مجید کا محافظ اللہ تعالیٰ ہے ( قرآن مجید کی 26 آیات پر اعتراضات کے جوابات) نئی دہلی ، 12 اپریل (یو این آئی) سپریم کورٹ نے سوموار کو قرآن مجید کی 26 آیات کو ہٹانے کی درخواست خارج کر دی۔جسٹس روہنگٹن فالی نریمن کی سر براہی والی بینچ نے اُتر پردیش شیعہ وقف بورڈ کے سابق چیئر مین وسیم رضوی کی درخواست خارج کر دی اور ان پر 50,000 روپے کا جرمانہ عائد کیا۔جسٹس نریمن نے کہا ”یہ مکمل طور پر غیرسنجیدہ رٹ پٹیشن ہے“۔کیس کی سماعت کے دوران جسٹس نریمن نے پوچھا کہ کیا درخواست گزار اس درخواست کے بارے میں سنجیدہ ہے؟ انہوں نے کہا ” کیا آپ درخواست کی سماعت پر اصرار کر رہے ہیں ؟ کیا آپ واقعی سنجیدہ ہیں ؟ قرآن مجید کے خلاف ہرزہ سرائی کرنے والے وسیم رضوی کی طرف سے پیش سینئر ایڈووکیٹ آرکے رائے زادہ نے جواب دیا کہ وہ مدرسہ تعلیم کے ضوابط کے لئے اپنی درخواست محدود کر رہے ہیں۔اس کے بعد اس نے اپنے مؤکل کا موقف پیش کیا، جس سے بینچ مطمئن نظر نہیں آیا اور اس نے 50 ہزار روپے جرمانہ عائد کرتے ہوئے درخواست خارج کر دی۔خیال رہے رضوی کی عرضی میں کہا گیا تھا کہ ان آیات میں انسانیت کے بنیادی اصولوں کو نظر انداز کیا گیا ہے اور یہ مذہب کے نام پر نفرت قبل ، خون خرابہ پھیلانے والا ہے، اس کے ساتھ ہی یہ آیات دہشت گردی کو فروغ دینے والا ہے۔رضوی کا یہ بھی کہنا تھا کہ یہ قرآنی آیات مدارس میں بچوں کو پڑھائی جارہی ہیں