اوڑھنی والیوں کے لئے پُھول — Page 90
90 سی چیز کیا اثر رکھتی ہے، کھٹا اور میٹھا ملائیں تو کسی نسبت سے کہ دونوں ذائقے اپنی جگہ قائم رہ کر دوسرا لطیف ذائقہ پیدا کر سکیں اور پھر اگر وہ ملا کر کھائے جائیں تو کیا اثر کرتے ہیں۔غرض ایک ایک چیز کے متعلق علم ہونا ضروری ہے، اس کے خواص اور اثرات سے واقفیت لازمی ہے۔یہ علوم خصوصیت سے عورتوں سے تعلق رکھتے ہیں۔تربیت اولاد (۲۱) اکیسواں علم تربیت اولاد کا ہے۔یہ علم بہت ضروری ہے اور عورتوں کے ساتھ اس کا خاص تعلق ہے کیوں کہ اولاد کی تربیت اور تعلیم کا جس قدر تعلق ماں سے ہے مردوں سے اتنا نہیں ہوتا۔ابتدائی تعلیم و تربیت سب ماں ہی کی گود اور اثر میں ہوتی ہے۔اس علم میں یہ بتایا جاتا ہے کہ بچوں کے ساتھ کس حد تک مفتی یا نرمی کرنی چاہیئے۔اُن کو غلامیوں یا بد عادتوں سے بچانے کیلئے کیا طریق اختیار کیا جائے ، ان میں اچھی عادتیں پیدا کرنے کے کیا طرق ہیں۔اُن کے حوصلہ اور ہمت کو بلند کرنے کے لئے کیا طریق اختیار کیا جائے۔غرض ان کی جسمانی اور اخلاقی تربیت اور ترقی کے لئے تمام ضروری باتوں کا علم اس میں داخل ہے۔یہ علم بھی یورب اور امریکہ میں ایک مستقل علم کی حیثیت سے سیکھایا جاتا ہے۔(۲۲) طبی علوم بائیسواں علم۔طب ہے۔یہ طب کا علم بہت وسیع ہو گیا ہے۔اس لئے کہ ہر شخص بیمار ہوتا ہے۔وہ علاج کراتا ہے۔اور مختلف قسم کی بیماریاں ہوتی ہیں اس لئے بہت سے لوگ اس کی تحقیقات میں لگ گئے ہیں اور یہ علم وسیع ہوتا چلا گیا۔اس کی دو وسعتیں ہیں۔ایک تحقیقات امراض کے سلسلے میں دوسری علاج الامراض کے رنگ میں۔پھر ان دونوں شاخوں کے اندر ایک اور سلسلہ وسیع ہوتا چلا گیا۔طلب کی بھی کئی قسمیں ہیں۔ایک اُن میں سے طب یونانی ہے۔یونان یورپ ہی کا علاقہ ہے۔اس طب کی اصلیت یہ ہے کہ چیزوں کے اثرات دریافت کیے جاتے ہیں اور پھر اُن کو اس قسم کی بیماریوں میں استعمال کرتے ہیں۔مثلاً ایک چیز علم نکالتی ہے۔جب بلغم کی تکلیف ہو تو وہ دیتے ہیں۔جیسے بنفشہ۔ایک قسم طب کی و یدک ہے۔ویدک اور یونانی میں فرق ہے۔ویدک ہندی طب ہے اور اس میں کشتہ جات پر زیادہ زور دیا جاتا ہے۔اور وہ کہتے ہیں اصل چیز کا جو ہر دینا زیادہ مفید ہے۔تفصیلات میں اور بھی بہت فرق ہے مگر میں نے موٹی بات بتادی ہے۔