اوڑھنی والیوں کے لئے پُھول — Page 97
97 (۱) رعایا کے حقوق حکومت پر کیا ہیں۔یعنی کونسی باتیں ہیں جو رعایا بادشاہ سے طلب کرے۔(۲) حقوق علی الرعایا۔یعنی کونسی باتیں مانی ضروری ہیں اور حکومت کے رعایا پر کیا کیا حقوق ہیں۔(۳) حقوق الاخوان علی الاخوان یعنی انسان کے انسان پر ، بھائی کے بھائی پر کیا حقوق ہیں۔(۴) حقوق الوالدین علی الاولاد یعنی ماں باپ کے حقوقی اولاد پر کیا ہیں۔مثلاً اس میں یہ بھی بحث کریں گے کہ باپ بچہ کو مارے یا نہ مارے اور مارے تو کس حد تک۔غرض والدین کو اولاد کے ساتھ کس قسم کا برتاؤ کرنا چاہیئے اور اولاد کو کیا طریق اختیار کرنا ضروری ہے۔(۵) حقوق الرجال علی النساء۔مرد کے عورتوں پر کیا حقوق ہیں۔(۶) آئندہ نسل کی بہتری کس طرح ہو سکتی ہے۔اس میں یہ بھی داخل ہے کہ عمدہ اخلاق والی اور مضبوط اولاد کس طرح پر ہو۔(۷) مالک اور مزدور کے کیا حقوق ایک دوسرے پر ہیں۔مزدور کس حد تک آزاد ہے اور کس حد تک پابند اور نوکر کا مالک کے مال میں کس حد تک حصہ ہے۔یہ بڑی بحث ہے اور سرمایہ داروں اور نوکروں کے تعلقات اور حقوق کا علم اس وقت بہت وسیع ہو گیا ہے اور ان حقوق کی حفاظت نہ کرنے یا اُن کے نہ سمجھنے کے سبب سے بڑے بڑے فتنے اور فساد کھڑے ہو جاتے ہیں۔مزدوروں کی جماعت جس کو لیبر پارٹی کہتے ہیں آج کل بڑے زوروں پر ہے۔علم سیاست (۳۴) چونتیسواں علم سیاست ہے۔اسکی بہت سی شاخیں ہیں۔بڑی بڑی یہ ہیں:۔(۱) حکومت اور ملازمین حکومت کا اپنے ملازمین پر کیا حق ہے اور کہاں تک اختیار ہے۔ملازمین کے کیا حقوق ہیں۔(۲) حدود حکومت یعنی حکومت ملک کی آزادی میں کس حد تک دخل دے سکتی ہے۔کہاں تک بادشاہت رہتی ہے۔(۳) طریق حکومت۔اس کی پھر کئی شاخیں ہیں۔(۱) غیر محدود سلطنت۔جس میں بادشاہ کے اختیارات محدود نہیں۔