نُورِ ہدایت

نُورِ ہدایت — Page 610

سے انسان نہ صرف دُنیا میں کامران ہوتا ہے بلکہ حقمی میں بھی خدا کے فضل سے سرخرو ہو گا۔ہم کبھی آخرت کے لئے سرمایہ نجات جمع نہیں کر سکتے جب تک آج ہی سے اس دار القرار کے لئے تیاری نہ شروع کر دیں۔تشخيذ الاذبان جلد 7 نمبر 5 مئی 1912 ، صفحہ 227 228) چاہئے کہ ہر ایک نفس دیکھ لے کہ اس نے کل کے واسطے کیا تیاری کی ہے۔انسان کے ساتھ ایک نفس لگا ہوا ہے جو ہر وقت مبدل ہے۔کیونکہ جسم انسانی ہر وقت تحلیل ہو رہا ہے۔جب اس نفس کے واسطے جو ہر وقت تحلیل ہو رہا ہے اور اس کے ذرات جُدا ہوتے جاتے ہیں اس قدر تیاریاں کی جاتی ہیں اور اس حفاظت کے واسطے سامان مہیا کئے جاتے ہیں۔تو پھر کس قدر تیاری اس نفس کے واسطے ہونی چاہئے جس کے ذمہ موت کے بعد کی جواب دہی لازم ہے۔اس آنی فنا والے جسم کے واسطے جتنا فکر کیا جاتا ہے۔کاش کہ اتنا فکر اس کے نفس کے واسطے کیا جاوے جو کہ جواب دہی کرنے والا ہے۔إِنَّ اللهَ خَبِيرٌ بِمَا تَعْمَلُونَ۔اللہ تعالیٰ تمہارے اعمال سے آگاہ ہے۔اس آگاہی کا لحاظ کرنے سے آخر کسی نہ کسی وقت فطرتِ انسانی جاگ کر اسے ملامت کرتی ہے اور گناہوں میں گرنے سے بچاتی ہے۔( بدر جلد 2 نمبر 50 مورخہ 13 دسمبر 1906 ، صفحہ 9) مومن کو چاہئے کہ جو کام کرے اس کے انجام کو پہلے سوچ لے کہ اس کا نتیجہ کیا ہوگا ؟ انسان غضب کے وقت قتل کر دینا چاہتا ہے۔گالی نکالتا ہے۔مگر وہ سوچے کہ اس کا انجام کیا ہو گا؟ اس اصل کو مد نظر رکھے تو تقویٰ کے طریق پر قدم مارنے کی توفیق ملے گی۔نتائج کا خیال کیونکر پیدا ہو۔اس لئے اس بات پر ایمان رکھے کہ وَاللهُ خَبِيرٌ بِمَا تَعْمَلُونَ جو کام تم کرتے ہواللہ تعالیٰ کو اس کی خبر ہے۔انسان اگر یہ یقین کرلے کہ کوئی خبیر وعظیم بادشاہ ہے جو ہر قسم کی بدکاری، دغا، فریب، سُستی اور کاہلی کو دیکھتا ہے اور اس کا بدلہ دے گا تو وہ بچ سکتا ہے۔ایسا ایمان پیدا کرو۔بہت سے لوگ ہیں جو اپنے فرائض نوکری ، حرفہ، مزدوری وغیرہ میں سستی 610