نُورِ ہدایت — Page 1106
سورۃ الناس پڑھیں۔یہ سورتیں چونکہ ایک طرف قرآن کریم کا خلاصہ ہیں اور دوسری طرف ان میں مضامین کی کثرت ہے اور بعض آئندہ زمانہ کے متعلق پیشگوئیاں بھی ہیں۔اس لئے نبی کریم صلی اللہ علیہ وسلم کا یہ فرمانا کہ یہ سورتیں بے مثل ہیں۔یہ ان کے فضائل اور کثرت مضامین کی طرف اشارہ ہے۔بخاری۔ابوداؤد۔نسائی اور ابن ماجہ نے حضرت عائشہ رضی اللہ عنہا سے روایت کی ہے کہ نبی کریم صلی اللہ علیہ وسلم جب رات کے وقت اپنے بستر میں آرام فرماتے تو اپنی دونوں ہتھیلیوں کو جمع کرتے اور اور سورۃ الاخلاص، سورۃ الفلق اور سورۃ الناس کی تلاوت فرماتے اور ہتھیلیوں میں پھونکتے اور سر سے لے کر پاؤں تک سارے جسم پر مل لیتے اور یہ فعل تین بار کرتے۔نیز حدیث میں یہ بھی آتا ہے کہ جو شخص ان دونوں سورتوں کو سورۃ الاخلاص کے ساتھ ملا کر صبح و شام پڑھے گا اس کے لئے یہ کافی ہو جائیں گی اور اس کی ضرورت پوری ہوگی اور دُکھ درد سے محفوظ رہے گا۔اس سے مراد یہ ہے کہ قرآنی تعلیم انسان کو دُکھوں سے بچاتی ہے۔کیونکہ جو شخص صبح و شام معوذتین پڑھے گا لاز ما قرآنی تعلیم خلاصۂ صبح وشام اس کے سامنے آتی رہے گی اور جس کے سامنے صبح و شام قرآنی تعلیم آتی رہے گی اُسے عمل کا بھی خیال آئے گا۔اور اس طرح وہ دُکھوں سے بھی محفوظ رہے گا۔اسی طرح عقبہ بن عامر سے روایت ہے کہ نبی کریم صلی اللہ علیہ وسلم نے فرمایا: اقْرَءُوا بِالْمُعَوَّذَاتِ فِي دُبُرِ كُلّ صَلوة (در منثور) یعنی اے لوگو! ہر نماز کے بعد سورۃ الفلق اور سورۃ الناس کو پڑھا کرو۔اسی طرح سے حضرت اُم سلمہ سے روایت ہے کہ نبی کریم صلی اللہ علیہ وسلم نے فرمایا مِنْ أَحَبّ السُّوَرِ إِلَى اللهِ قُلْ اَعُوْذُ بِرَبِّ الْفَلَقِ وَ قُلْ أَعُوذُ بِرَبِّ النَّاسِ کہ اللہ تعالیٰ کو سب سے زیادہ پسند یہ دوسورتیں ہیں۔یعنی سورۃ الفلق اور سورۃ الناس۔پھر یہ روایت بھی آتی ہے کہ نبی کریم صلی اللہ علیہ وسلم سورۃ الاخلاص اور معوذتین کو ملا کر وتر کی آخری رکعت میں پڑھا کرتے تھے۔( ڈرمنثور ) 1106