نظام وصیت

نظام وصیت — Page 34

ارشادات حضرت مسیح موعود وخلفائے سلسلہ 34 دنیا سے دکھ دور کرنے کی خاتم التخلفاء کی سکیم کے چار اہم اصول پس موجودہ زمانہ کی ضرورتوں کو پورا کرنے کے لئے خاتم الخلفاء کا فرض تھا کہ وہ اسلامی اصول کے مطابق کوئی سکیم تیار کرتا اور دنیا سے اس مصیبت کا خاتمہ کر دیتا۔چنانچہ جیسا کہ میں آگے چل کر بتاؤں گا اس نے خدا تعالیٰ کے حکم کے ماتحت اس اہم ضرورت کو پورا کرنے کے سامان بہم پہنچا دیئے ہیں۔۔۔اسلامی سکیم کے اہم اصول یہ ہیں :- اول: سب انسانوں کی ضرورتوں کو پورا کیا جائے۔دوم: مگر اس کام کو پورا کرتے وقت انفرادیت اور عائلی زندگی کے لطیف جذبات کو تباہ نہ ہونے دیا جائے۔تیسرے: یہ کام مالداروں سے طوعی طور پر لیا جائے اور جبر سے کام نہ لیا جائے۔چو تھے : یہ نظام ملکی نہ ہو بلکہ بین الاقوامی ہو۔آج کل جس قدر تحریکات جاری ہیں وہ سب کی سب ملکی ہیں مگر اسلام نے وہ تحریک پیش کی ہے جو ملکی نہیں بلکہ بین الاقوامی ہے۔نظام نو۔انوارالعلوم جلد 16 صفحہ 588,587) حضرت مسیح موعود کے ذریعہ دنیا سے دُکھ دور کرنے والے نظام نو’الوصیت“ کی بنیاد اسلامی تعلیم کی ساری خوبی ان چاروں اصول میں مرکوز ہے۔اگر یہ چاروں اصول کسی تحریک میں پائے جاتے ہوں تو ہم کہہ سکتے ہیں کہ وہ تحریک سب سے بہتر اور سب تحریکات سے زیادہ مکمل ہے۔اللہ تعالیٰ کے حکم سے ان چاروں مقاصد کو اس زمانہ کے ما مور، نائب رسول اللہ ﷺ نے خدا تعالیٰ کے حکم سے کس طرح پورا کیا اور کس طرح اسلامی تعلیم کے عین مطابق دنیا کے ایک نئے نظام کی بنیاد رکھ دی۔یہ بالشوزم، سوشلزم اور نیشنل سوشلزم کی تحریکیں سب جنگ کے بعد کی پیدائش