نظام وصیت — Page 108
ارشادات حضرت مسیح موعود وخلفائے سلسلہ 108 احباب جماعت کے نام حضرت خلیفہ مسیح الثانی کا پیغام جماعت کا ہر فرد میں شامل ہو۔مرکزی اور مقامی جماعتوں کے عہدیدار، احباب کو میں شامل کرنے کی طرف خاص طور پر توجہ دیں: برادران جماعت السّلام عليكم ورحمة الله وبركاته ایک گزشتہ مجلس شوریٰ میں میں نے فیصلہ کیا تھا کہ ہر سال ایک ہفتہ وصیت منایا جایا کرے تا کہ وصایا میں اضافہ ہواور تا اسلام اور احمدیت کی اشاعت کے لئے لوگوں کے اندر زیادہ سے زیادہ قربانی کا جذبہ پیدا ہو۔نظارت بہشتی مقبرہ اس فیصلہ کی تعمیل ہر سال کرتی رہی ہے اور مجھے معلوم ہوا ہے کہ اس سال بھی ”ہفتہ وصیت“ منانے کے لئے ۱۲ سے ۱۸ مارچ کے ایام مقرر کئے گئے ہیں۔سیکرٹری صاحب بہشتی مقبرہ نے مجھ سے خواہش کی ہے کہ اس موقعہ پر میں بھی جماعت کو کوئی پیغام دوں۔میں دوستوں سے صرف یہ کہنا چاہتا ہوں کہ وصیت کی اہمیت حضرت مسیح موعود نے رسالہ الوصیت میں اچھی طرح واضح کر دی ہے۔اس کے بعد میں نے بھی اپنے خطبات اور تقریروں اور تحریروں میں اسکی طرف بارہا توجہ دلائی ہے مگر جیسا کہ مجھے بتایا گیا ہے اب تک وصیت کرنے والوں کی تعداد قریباً ساڑھے سولہ ہزار تک پہنچی ہے جو جماعت کی موجودہ تعداد کے مقابلہ میں بہت کم ہے۔اگر نظارت بہشتی مقبرہ کثرت سے اس بارہ میں ”الوصیت‘ اور میری تقریروں اور تحریروں کو شائع کرے تو امید ہے کہ وصایا کی کمی بہت جلد دور ہو جائیگی اور سلسلہ کی مالی حالت بھی پہلے سے زیادہ مضبوط ہو جائے گی کیونکہ اس کی مضبوطی کا وصایا کی زیادتی کے ساتھ گہرا تعلق ہے۔پس میں اس کے ذریعہ جماعت کے ہر فرد کو جس کا گزارہ ماہوار آمدن یا جائیداد پر ہے میں شامل ہونے کی تحریک کرتا ہوں اور ہر مرکزی اور مقامی جماعت کے عہدیداروں کو ہدایت کرتا ہوں کہ وہ اس طرف خاص طور پر توجہ کریں۔اس غرض کے لئے مناسب ہوگا کہ ہر جماعت میں سیکرٹری وصا یا مقرر کئے جائیں جو اس تحریک کو چلاتے رہیں۔اسی طرح امراء اور مربیان سلسلہ کو