نماز عبادت کا مغز ہے — Page 103
103 کے علاج نہ ہوں؟ ہیں اور ضرور ہیں۔مگر تلاش حق میں مستقل اور پویہ قدم درکار ہیں۔قرآن کریم میں ایک موقع پر اللہ تعالیٰ نے صالحین کی مثال عورتوں سے دی ہے۔اس میں بھی سر اور بھید ہے۔ایمان لانے والوں کو مریم اور آسیہ سے مثال دی ہے۔یعنی خدا تعالی مشرکین میں سے مومنوں کو پیدا کرتا ہے۔بہر حال عورتوں سے مثال دینے میں دراصل ایک لطیف راز کا اظہار ہے۔یعنی جس طرح عورت اور مرد کا باہم تعلق ہوتا ہے اسی طرح پر عبودیت اور ربوبیت کا رشتہ ہے۔اگر عورت اور مرد کی باہم موافقت ہو اور ایک دوسرے پر فریفتہ ہو تو وہ جوڑا ایک مبارک اور مفید جوڑا ہوتا ہے، ورنہ نظام خانگی بگڑ جاتا ہے اور مقصود بالذات حاصل نہیں ہوتا ہے۔مرد اور جگہ خراب ہوتا ہے صد ہا قسم کی بیماریاں لے آتا ہے۔آتشک سے مجزوم ہوکر دنیا میں ہی محروم ہو جاتا ہے اور اگر اولاد ہو بھی جاوے تو کئی پشت تک تک یہ سلسلہ برابر چلا جاتا ہے اور ادھر عورت بے حیائی کرتی پھرتی ہے اور عزت و آبرو کو ڈبو کر بھی نیچی راحت حاصل نہیں کر سکتی۔غرض اس جوڑے سے الگ ہو کر کس قدر بد نتائج اور فتنے پیدا ہوتے ہیں۔اسی طرح انسان روحانی جوڑے سے الگ ہوکر مجزوم اور مخذول ہوجاتا ہے۔دنیاوی جوڑے سے زیادہ رنج و مصائب کا نشانہ بنتا ہے جیسا کہ عورت اور مرد کے