مشعل راہ ۔ جلد پنجم (حصہ سوم)

مشعل راہ ۔ جلد پنجم (حصہ سوم) — Page 47

مشعل راه جلد پنجم حصہ سوم 47 ارشادات حضرت خلیفہ لمسیح الخامس ایدہ اللہ تعالی اس کا اہل بنائے کہ اپنے اندر پاک تبدیلی پیدا کرسکیں۔جلسہ کے دن دعاؤں میں گزاریں اور یہ جلسے کے جو دن ہمیں میسر آئے ہیں ان کو کھیل کو داور گپیں لگانے اور مجلسیں لگانے میں ضائع کرنے کی بجائے دعاؤں اور اپنی اصلاح کی کوشش میں گزار ہیں۔جلسے کے تمام پروگرام کسی نہ کسی رنگ میں علم اور روحانیت میں اضافے کا باعث بنتے ہیں۔اس لئے اس سے بھر پور فائدہ اٹھا ئیں۔اس سوچ میں نہ رہیں کہ فلاں مقر را چبھی تقریر کرتا ہے اس کی تقریر سنی ہے اور فلاں کی نہیں سنی ، بلکہ تمام پروگرام سنیں۔خواتین بھی اپنی گپوں کی محفلوں کی بجائے ان دنوں کو روحانیت بڑھانے میں صرف کریں کیونکہ ان کی مجلسیں زیادہ لمبی ہوتی ہیں۔دعاؤں میں وقت گزار ہیں۔اپنے لئے ، اپنے بچوں کے لئے ، جماعت کے لئے دعائیں کریں۔اپنے بھائیوں اور بہنوں کے لئے دعائیں کریں۔اس سے بھی تعلق اور محبت کا رشتہ قائم ہوتا ہے اور بڑھتا ہے۔جن کے خلاف ایک دوسرے کو شکوے شکائیتیں ہیں، ان کے لئے بھی دعائیں کریں۔اللہ تعالیٰ قادر ہے۔دعاؤں کو سننے والا بھی ہے۔قبول کرنے والا بھی ہے۔آپ کی نیک نیتی سے کی گئی دعاؤں کی وجہ سے ہو سکتا ہے ان لوگوں میں تبدیلی پیدا ہو جائے اور جن کے خلاف آپ کو شکوے اور شکایتیں ہیں وہ دور ہو جائیں اور ان کی اصلاح ہو جائے۔اس لئے دعائیں کرنی چاہئیں۔اور جب نیکی نیتی سے ہر ایک دوسرے کے لئے دعائیں کر رہا ہو گا تو یقیناً اللہ تعالیٰ ان کو قبولیت کا درجہ دے گا اور آپ کی اس سوچ کی وجہ سے یقیناً رحمت کی بارش نازل فرمائے گا۔پس میں پھر کہتا ہوں کہ ان دنوں کو عبادتوں اور ذکر الہی میں گزاریں۔حضرت مسیح موعود علیہ الصلوۃ والسلام کی خواہش کے مطابق اللہ تعالیٰ کے قرب کے نمونے بھی قائم کریں اور اعلیٰ اخلاق کے نمونے بھی قائم کریں۔اور دشمن کو شماتت کا موقع دینے کی بجائے ہنسی ٹھٹھا کا موقع دینے کی بجائے اس جلسے کو اپنے اندر پاک تبدیلیوں کا ایک نشان بنا دیں اور دنیا پر ثابت کر دیں کہ وہ مسیح جس نے اس دنیا میں آ کر پاک تبدیلیاں پیدا کرنی تھیں اور پاک نمو نے قائم کرنے تھے ہم ہیں جو اس کے مصداق ٹھہرے ہیں اور اب ہم کبھی اپنے اندر سے ان پاک تبدیلیوں کو مرنے نہیں دیں گے۔انشاء اللہ۔اللہ سب کو اس کی توفیق عطا فرمائے۔الفضل انٹر نیشنل 8 تا 14 جولائی 2005ء)