مشعل راہ جلد سوم — Page 187
مشعل راه جلد سوم 187 ارشادات حضرت خلیفتہ المسیح الرابع رحم اللہ تعالی بغیر تیاری کے کس طرح خدمت دین ہوگی علاوہ ازیں اور بھی کئی جگہ محبین (Fijian) سے رابطہ پیدا ہوا ہم نے ہر موقع پر ان کو اچھا دیا۔جلدی متاثر ہوتے ہوئے دیکھا۔چنانچہ ایک فحسین احمدی وہاں تشریف لائے ہوئے تھے ہمارے ساتھ ایک دن سیر پر بھی گئے۔ان کو نہ پوری طرح انگریزی آتی نہ اردو آتی تھی۔وہاں تو زبان یا اردو چلتی تھی یا انگریزی چلتی تھی لیکن اس کے باوجود بڑے ہی انہماک سے صبح سے رات تک مجلسوں میں بیٹھے رہتے تھے۔سیر پر گئے تو وہ بھی ساتھ تھے۔میں نے ان سے چند باتیں کیں۔مقامی دوستوں نے ہمیں ایک دوسرے کو اپنا مفہوم سمجھانے میں کچھ مدددی۔انہوں نے بتایا کہ ہمارے گاؤں میں ابھی تھوڑا عرصہ ہوا ہے احمدیت گئی ہے اور چھ احمدی ہو چکے ہیں اور اگر آپ آدمی بھیجیں دوبارہ ، تو مجھے یقین ہے کہ تھوڑی دیر میں سارا گاؤں احمدی ہو جائے گا۔اللہ کے فضل سے۔چنانچہ جب میں نے جائزہ لیا کہ اب کس طرح دیہات میں ( دعوۃ الی اللہ ) کی جائے تو یہ کمزوری سامنے آئی کہ اکثر احمدی وہاں فحین (Fijian) زبان نہیں جانتے۔یعنی ساری زندگی وہاں بسر ہوتی ہے، بچپن وہاں گزرتا ہے ، جوانی وہاں آتی ہے ، بڑھاپے تک بھی پہنچتے ہیں اور کئی نسلوں سے یہ ہو رہا ہے لیکن محین کی کاویتی زبان کی طرف توجہ نہیں کی۔پہلے جب کہ انگریزی حکومت تھی اور عیسائی پادری آیا کرتے تھے انہوں نے ان کے کلچر کا مطالعہ کیا، ان کی مختلف عادات ، ان کے رہن سہن اور ان کے خیالات پر بڑی بڑی کتابیں لکھیں اور بڑی گہری تحقیق کی اور پھر ان کی زبانیں سیکھیں تب جا کر انہوں نے کام کیا ہے تو اب میں نے احمدی نوجوانوں کو خصوصیت سے متوجہ کیا ہے کہ آپ نے خدمت کے عہد کر رکھے ہیں اور اب میں آپ کے چہروں پر بڑا بھاری عزم بھی دیکھ رہا ہوں مجھے نظر آ رہا ہے کہ آپ جو کہتے ہیں سچ کہہ رہے ہیں۔آپ کی خواہش ہے کہ ( دین حق ) کی خدمت کریں تو اس خدمت کی تیاری کی بھی تو کوشش کریں۔بغیر تیاری کے کس طرح خدمت ہو جائے گی۔اس لئے آپ اپنے بچوں کو شروع سے ہی اس نیت کے ساتھ نجی سکولوں میں داخل کرنا شروع کریں کہ وہ نجی زبان سیکھیں اور اس زبان کو صرف سیکھیں ہی نہیں بلکہ ان کے ساتھ تعلقات استوار کریں۔بچپن سے ان کے خاندانوں میں داخل ہوں، ان سے میل جول رکھیں، ان کے دیہات میں پھر جانا شروع کریں۔جو بڑے ہیں وہ بھی سیکھنا شروع کریں۔چنانچہ اس کا انتظام کیا گیا ہے۔وہاں ہمارے ایک سے زائد مشن ہاؤسز ہیں۔( بیوت الذکر ) اور مشن کی عمارتیں ہیں وہاں با قاعدہ کلاس لگا کرے گی خدام کے لئے ، بڑوں کے لئے اور جہاں تک ممکن ہو عورتیں بھی سیکھیں گی