مشعل راہ جلد سوم — Page 43
مشعل راه جلد سوم 43 ارشادات حضرت خلیفتہ المسیح الرابع رحم اللہ تعالی تشہد وتعوّ ذاور سورۃ فاتحہ کی تلاوت کے بعد حضور نے فرمایا:- حال ہی میں مجھے اللہ تعالیٰ کے فضل کے ساتھ یہ توفیق عطا ہوئی کہ بیت سپین کے تاریخی افتتاح کا اعلان کرتا۔اللہ تعالیٰ نے یہ سعادت بھی بخشی کہ ہر جگہ اس کے فضلوں کے بے شمار رنگ ظاہر ہوتے ہوئے دیکھے۔جس طرح بارش میں قطرے گرتے ہیں اس طرح ہر طرف سے اللہ تعالیٰ کے فضلوں کی برسات ہوتی ہوئی دیکھی۔اس تصور سے دل حمد سے بھر جاتا ہے اور حقیقت یہ ہے کہ جب دل حمد سے بھر جائے تو چھلکنے بھی لگتا ہے۔اس کیفیت میں جب آج حضرت اقدس مسیح موعود علیہ السلام کی نظم سنی تو دل کی جو حالت ہوئی وہ نا قابل بیان ہے۔کوئی الفاظ نہیں جن میں اس کیفیت کو بیان کیا جا سکے۔حضرت مسیح موعود علیہ السلام کا پاکیزہ منظوم کلام یا دکریں کیسی پیاری راہ حمد کی ہمارے لئے آپ نے معین کر دی ہے۔انکساری اور عاجزی کی کیسی حسین شاہراہ ہمارے لئے کھول دی ہے۔یہ وہی شاہراہ ترقی (دین حق ) ہے جس پر چل کر ہمیں فتوحات نصیب ہوں گی۔یہ وہی رستہ ہے جس رستے سے خدا ملتا ہے۔بے شمار رحمتیں ہوں حضرت اقدس مسیح موعود علیہ السلام پر کہ جنہوں نے انانیت کی ساری راہیں بند کر دیں اور عاجزی کی ساری راہیں کھول دیں۔ایک ایک شعر، ایک ایک مصرعہ، ایک ایک لفظ سچائی میں ڈوبا ہوا ہے۔اور حقیقت یہ ہے کہ حضرت اقدس مسیح موعود علیہ السلام کا کلام ہی آپ کی سچائی کی دلیل ہے۔کوئی سعید فطرت انسان اگر اس کلام کو سنے تو ممکن نہیں ہے کہ وہ اس کلام کے کہنے والے کے حق میں اس کی سچائی کی گواہی نہ دے۔حیرت انگیز طور پر پاکیزہ جذبات عشق میں ڈوبا ہوا یہ کلام سن کر روح پر وجد طاری ہو جاتا ہے۔جب یہ کلام پڑھا جارہا تھا تو میں یہ سوچ رہا تھا کہ وہ احمدی نوجوان جو یہ کہتے ہیں کہ ہم دعوۃ الی اللہ