مشعل راہ جلد سوم — Page 345
345 ارشادات حضرت خلیفہ المسیح الرابع رحم اللہ تعالی مشعل راه جلد سوم پھیلے گی ، ہر طرف کہیں نہ کہیں جماعت کے کچھ افراد موجود ہوں گے۔لیکن اگر تعداد زیادہ نہ ہو تو پھر خلا بیچ میں بہت بڑھ جاتے ہیں اس لئے جمعہ پڑھنے کی راہ میں اب طبعی روک حائل ہو جاتی ہے۔لیکن اس روک کے علاوہ اس سے بھی زیادہ خطرناک روک یہ ہے کہ اکثر عیسائی ممالک میں بلکہ غالباً تمام عیسائی ممالک میں جمعہ کے روز کوئی رخصت نہیں ہوتی اور اس کے مقابل پر اتوار ہی کو نہیں بلکہ ہفتہ کو بھی رخصت دی جاتی ہے اس لئے اور مسلمانوں کو کوئی ایسی رخصت نہیں ملتی جس سے وہ سمجھیں کہ آج ہما را ند ہی دن ہے اور اسے ہم نے خالصہ مذہبی رنگ میں منانا ہے۔جمعہ ایک عام دن کی طرح آتا بھی ہے اور گزر بھی جاتا ہے۔چنانچہ مغربی ممالک میں بسنے والے بہت سے احمدی یا دوسرے ( مومن ) اس کی اہمیت سے بے خبر ہو جاتے ہیں اور بسا اوقات ان کو یہ بھی یاد نہیں ہوتا کہ آج جمعہ کا دن ہے۔چنانچہ انگلستان ہی کا واقعہ ہے ایک جمعہ کے موقع پر جس دن رخصت بھی تھی جب جماعت کے صدر نے پتہ کیا کہ بہت سے لوگ جمعہ پڑھنے کے لئے کیوں نہیں آئے تو بہت سے احمدیوں نے ان کو جواب دیا کہ اوہو! یہ جمعہ کا دن تھا۔ہمیں تو پتہ نہیں چلا یعنی روز مرہ کے کاموں میں جمعہ کے دن کو کوئی بھی اہمیت نہیں دی جاتی۔اس لئے جمعہ کا دن ایک عام دن کی طرح آتا اور گزر جاتا رہا۔ان کو قطعاً اس بات کا خیال ہی نہیں آیا کہ آج جمعہ کا دن ہے، رخصت بھی ہے اس لئے ہمیں (بیت الذکر ) میں پہنچنا چاہیے۔چنانچہ جب میں امریکہ گیا تو اس صورت حال نے مجھے خاص طور پر بہت پریشان کیا۔کیونکہ وہاں بچوں کی تربیت اور جماعت کی عمومی تربیت کے سلسلہ میں میرے ذہن میں یہ بات آئی کہ جب تک ہم اپنی جماعت کو جمعہ کی اہمیت پوری طرح سمجھاتے نہیں اور نظام جمعہ کا پورا احترام نہیں کرتے اور اس دن باقاعدہ عبادت کے لئے اکٹھے نہیں ہوتے اس وقت تک ہماری تمام دیگر تربیتی کوششیں کامیاب نہیں ہوسکتیں کیونکہ خدا تعالیٰ نے خود مومن کی تربیت کے لئے جمعہ کا دن رکھا ہے۔خدا تعالیٰ نے ہر مذہب کے لئے کوئی نہ کوئی اجتماعی دن ایسا ضرور رکھا ہوا ہے کہ جس میں اس مذہب کے ماننے والوں کی تربیت ہوتی تھی۔وہ اکٹھے ہوتے تھے ، ان کو نئی زندگی ملتی تھی ، پرانے داغ دھونے کا موقع ملتا تھا اور اس ایک دن کی وجہ سے بہت سی دیگر برکتیں نصیب ہوتی تھیں۔چنانچہ ہفتہ کا دن یہود کے لئے مقرر تھا اور اس کو غیر معمولی اہمیت حاصل تھی۔قرآن کریم نے ہفتہ کے دن کے عدم احترام کے نتیجہ میں یہود کا ملعون ہونا بیان فرمایا ہے۔ان پر لعنت پڑی ان کے دلوں پر مہر لگی اس کی وجو ہات میں سے ایک وجہ یہ تھی کہ وہ ہفتہ کے دن کا احترام نہیں کرتے تھے۔عیسائیوں کے لئے اتوار کا دن ہے۔جہاں تک میں نے جائزہ لیا ہے اب تک عیسائیت کے زندہ رہنے کی بڑی وجہ اتوار کا دن ہے ہر