مکتوبات احمد (جلد پنجم) — Page 498
مکتوبات احمد ۴۹۸ جلد پنجم مکتوب بنام پنڈت حکیم سنت رام صاحب پنڈت لیکھرام کے قتل کے بعد جب آریہ سماج کی طرف ( سے ) یہ شور مچایا جانے لگا کہ یقیل حضرت مسیح موعود علیہ الصلوۃ والسلام کی سازش کا نتیجہ ہے۔ تو حضور علیہ الصلوۃ والسلام نے ایک اشتہار شائع کیا۔ جس میں آریوں کو دعوت دی کہ اگر تمہیں اس افتراء پر اصرار ہے تو موکد بعذاب قسم کھا ئیں ۔ اس پر تین چار آریہ صاحبان قسم کھانے پر آمادہ ہوئے جن میں سے ایک پنڈت حکیم سنت رام آریہ مسافرا پریشک آریہ سماج تھے۔ حضرت مسیح موعود علیہ الصلوۃ والسلام نے ان کے ایک خط کے جواب میں ان کو مندرجہ ذیل مکتوب لکھا تھا۔ جو آج تک احمد یہ لٹریچر میں شائع نہیں ہوا۔ لیکن حکیم سنت رام مذکور نے اپنے ایک رسالہ مسمی ازالہ اوہام احمد یہ حصہ اوّل کے ضمیمہ صفحہ ۲ پر درج کیا ہے جہاں سے ہم اسے نقل کر کے شائع کر رہے ہیں ۔ ( خاکسار ملک فضل حسین احمدی مهاجر ) مشفقی حکیم سنت رام صاحب بعد ما وجد مکتوب آپ کا رجسٹری شده خط پہنچا۔ آپ نے اگر میرے اشتہار کے منشاء کے موافق قسم کھانے کا ارادہ کیا ہے تو نہایت عمدہ بات ہے۔ یقین ہے کہ اس ۔۔۔۔۔۔ اصولوں پر بہت روشنی پڑے گی ۔ اس کام میں کوئی مشکل امر نہیں ہے ۔ آپ مفصلہ ذیل اقرار نامه مؤکد بحلف دس معزز آریہ سماج والوں کی گواہی سے جن میں سے کم سے کم پانچ لاہور کے رہنے والے ہوں ۔ بذریعہ اشتہار شائع کر دیں اور پھر قادیان میں آ کر نمونہ مندرجہ اشتہار کے موافق بالمواجہ بھی قسم کھا لیں ۔ تب وہ عہد میرے ذمہ ہو جائے گا جس کا میں نے اشتہار میں اقرار کیا ہے اور نمونہ اقرار نامہ آپ کی طرف سے ہوگا ۔ ( جو ) یہ ہے۔ میں فلاں بن فلاں قوم فلاں ساکن دیہہ فلاں ضلع فلاں اس وقت اپنے حواس کی قائمی اور پورے ارادہ اور استقلال سے اور پورے