مکتوبات احمد (جلد چہارم) — Page 545
مکتوبات احمد ۵۴۵ جلد چهارم عاجز دعا میں مشغول ہے ۔ امید کہ اللہ جل شانہ کوئی ایسی راہ پیدا کر دے گا ۔ جو کہ خیر و برکت سے معمور ہوگی ۔ زیادہ خیریت ہے۔ والسلام ۲۷ نومبر ۱۸۹۱ء الراقم خاکسار غلام احمد از قادیان مکتوب نمبر ۲ بِسْمِ اللَّهِ الرَّحْمَنِ الرَّحِيمِ محبتی اخویم شیخ غلام نبی صاحب سلمہ نَحْمَدُهُ وَنُصَلِّي السلام علیکم ورحمۃ اللہ و برکاتہ آپ کا عنایت نامہ اور نوٹ مبلغ پنج روپیہ مجھ کو ملا ۔ آپ اس بات پر یقین کر سکتے ہیں کہ جس قدر آپ محض الله خدمات میں مشغول ہیں ۔ آپ فراموش نہیں ہو سکتے لیکن اس زندگی میں کوئی شخص ابتلاء اور امتحان سے خالی نہیں ہوتا ۔ سو اسی غرض سے اللہ تعالی بعض اوقات دعاؤں کو معرض التواء میں ڈالتا ہے تا غافل بندہ کو جو اکثر امور آخرت سے بے خبر ہوتا ہے ثواب حاصل ہو ۔ آپ تسکین اور اطمینان رکھیں کہ آخر اللہ تعالیٰ فضل کرے گا۔ اور بہتر ہے کہ دو تین ہفتہ کے لئے میرے پاس قادیان میں آ جاؤ۔ میں آپ کی ہمدردی سے غافل نہیں ہوں ۔ اس وقت مجھے بشدت دردسر ہو رہا ہے تا ہم یہ خط ایسی حالت میں میں نے لکھا ہے ۔ اب دل کمزور ہوتا جاتا ہے۔ ۱۰ دسمبر ۹۱ء والسلام الحکم نمبر ۳۳ جلد ۲ مورخه ۲۹ را کتوبر ۱۸۹۸ء صفحه ۴۰۳ خاکسار مرزا غلام احمد عفی عنہ از قادیان