مکتوبات احمد (جلد چہارم) — Page 423
مکتوبات احمد ۴۲۳ جلد چهارم حضرت مولوی حکیم سراج الدین صاحب آف مڈھ رانجھا حضرت مولوی حکیم سراج الدین صاحب مڈھ رانجھا کے رہنے والے تھے ۔ آپ قرآن مجید اور مشکوۃ شریف سے خوب واقف تھے اور خود عامل بھی تھے اور لوگوں کو بھی انہی میں سے وعظ و پند سنایا کرتے تھے اور پہلا وعظ اہل وعیال پر ہوتا تھا ۔ طب آپ نے باقاعدہ لاہور میں حاصل کی تھی اور تجربہ تعلیم سے بڑھ کر تھا۔ آپ نے حضرت مسیح موعود علیہ السلام کے ہاتھ پر جا کر بیعت کی اور واپس آ کر خاموشی اختیار نہ کی بلکہ ہر وقت تبلیغ میں کوشاں رہتے ۔ حضرت کی کتابیں خریدتے ۔ لوگوں کو جو آپ کے پاس بیٹھتے ان کو سناتے اخبار میں دکھاتے ۔ غرض یہ کہ اب آپ کے لئے آسمان نیا تھا اور زمین بھی نئی تھی ۔ تضرع بھی حد سے بڑھ کر تھا کہ اللہ تعالیٰ ہدایت کے لئے لوگوں کے دل کھولے ۔ باوجود امور خانه داری و پیرانه سالی جس کو موئے سفید ظاہر کر رہے تھے ۔ تہجد آپ نے نہ گرمی میں چھوڑا نہ سردی اور نہ برسات میں ۔ آپ کی عمر پینسٹھ سال کے قریب تھی کہ یکم جولائی ۱۹۲۸ء کو واصل باللہ ہوئے تلخیص از الحکم نمبر ۳۴ جلد ۳۷ مورخه ۲۱ رستمبر ۱۹۳۴ ء صفحہ ۷، ۸