مکتوبات احمد (جلد دوم)

مکتوبات احمد (جلد دوم) — Page 558

مکتوبات احمد ۵۵۸ جلد دوم مکتوب نمبر ۱۵۶ پوسٹ کارڈ بِسْمِ اللَّهِ الرَّحْمَنِ الرَّحِيمِ نَحْمَدُهُ وَنُصَلِّي عَلَى رَسُولِهِ الْكَرِيمِ مکرمی اخویم السلام علیکم و رحمۃ اللہ و برکاتہ کارڈ پہنچا۔ جہاں تک مجھے معلوم ہے ۔ غلام احمد نام کوئی شخص امرتسر میں مالک مطبع نہیں ہے۔ شاید کوئی نیا آگیا ہو ۔ ہاں شیخ نور احمد صاحب نام ایک صاحب مالک مطبع ہیں ۔ مجھے آپ مفصل لکھیں که غلام احمد مالک مطبع امرتسر میں کون ہے۔ کس پتہ سے اس کو خط بھیجا جائے اور یہ بھی لکھیں کہ کیا اس نے قبول کر لیا ہے کہ تین روپیہ لوں گا ۔ کیا اسی میں کا غذ اور کا پی نویس کی اجرت داخل ہے۔ مجھے تو یہ بات سمجھ نہیں آتی ۔ ۱۸ جون ۱۸۸۹ء والسلام خاکسار غلام احمد از قادیان مکتوب نمبر ۱۵۷ پوسٹ کارڈ بِسْمِ اللَّهِ الرَّحْمَنِ الرَّحِيمِ الرَّحِيمِ نَحْمَدُهُ وَنُصَلِّي عَلَى رَسُولِهِ الْكَرِيمِ مکرمی اخویم منشی رستم علی صاحب ڈپٹی انسپکٹر سلمۂ تعالیٰ ۔ السلام علیکم و رحمۃ اللہ و برکاتہ عنایت نامہ پہنچا۔ پہلے بھی بذریعہ ایک خط کے آپ کو اطلاع دی گئی تھی کہ میری نظر میں غلام احمد نام کوئی صاحب مطبع نہیں ہے اور نہ آپ نے کچھ پتہ لکھا کہ اس شخص کا مطبع کس کڑہ میں ہے ۔ جب تک پتہ نہ ہو ۔ مضمون ارسال نہیں ہو سکتا ۔ براہ مہربانی بہت جلد پتہ بھیج دیں ۔ ا خویم مولوی حکیم نورالدین صاحب کی تشریف آوری کی آج کل امید لگی ہوئی ہے۔ جس وقت تشریف لائے ۔ خط دے دوں گا ۔ آپ کی تبدیلی اگر نزدیک ہو جائے تو بظاہر تو اچھا معلوم ہوتا ہے ۔ اللہ تعالیٰ حافظ ہے ۔ ۱۳ / جون ۱۸۸۹ء والسلام خاکسار غلام احمد از قادیان