مکتوبات احمد (جلد دوم)

مکتوبات احمد (جلد دوم) — Page 528

مکتوبات احمد ۵۲۸ جلد دوم مکتوب نمبر ۱۱۰ پوسٹ کارڈ بِسْمِ اللَّهِ الرَّحْمَنِ الرَّحِيمِ نَحْمَدُهُ وَنُصَلِّي عَلَى رَسُولِهِ الْكَرِيمِ مکرمی ۔ السلام علیکم ۔ باعث علالت طبع اور موسمی بخار آنے کے میں آپ کی طرف خط نہیں لکھ سکا۔ آپ کو اللہ جل شانہ جزاء خیر بخشے ۔ آپ نے بہت سعی کی ہے۔ اب میرا تپ ٹوٹ گیا ہے ، کچھ شکایت باقی ہے۔ میاں فتح خاں کے آتے وقت اگر کچھ بندوبست ہو سکے تو کچھ رعایت ہو جائے گی ۔ آئندہ جو مرضی مولا ۔ اور سب خیریت ہے۔ ۲۹ نومبر ۱۸۸۷ء والسلام خاکسار غلام احمد از قادیان مکتوب نمبر ااا پوسٹ کارڈ بِسْمِ اللَّهِ الرَّحْمَنِ الرَّحِيمِ نَحْمَدُهُ وَنُصَلِّي عَلَى رَسُولِهِ الْكَرِيمِ مخدومی مکرمی اخویم منشی رستم علی صاحب سلمہ اللہ تعالیٰ ۔ السلام علیکم ورحمۃ اللہ و برکاتہ آپ کی یاد دہانی پر برابر سندرداس کے لئے دعا کی جاتی ہے۔ ترتب اثر جل شانہ کے اختیار میں ہے۔ میاں فتح خان کو اطلاع دے دی ہے۔ اب تک کچھ حال معلوم نہیں ۔ شاید آپ کو کوئی خط آیا ہو۔ اور سب طرح سے خیریت ہے۔ ۱۲ / دسمبر ۱۸۸۷ء والسلام خاکسار غلام احمد عفی عنہ از قادیان ضلع گورداسپوره