مکتوبات احمد (جلد دوم) — Page 491
مکتوبات احمد ۴۹۱ مکتوب نمبر ۵۷ ملفوف بِسْمِ اللَّهِ الرَّحْمَنِ الرَّحِيمِ نَحْمَدُهُ وَنُصَلِّي عَلَى رَسُولِهِ الْكَرِيمِ مخدومی مکرمی اخویم منشی رستم علی صاحب سلمۂ تعالیٰ ۔ بعد السلام بعد السلام علیکم و رحمتہ اللہ و برکاتہ ۔ جلد دوم اشتہار پہنچا اور پچیس روپیہ بھی پہنچ گئے ۔ انشاء اللہ القدیر اشتہار دینے والے شرمندہ اور رسوا ہونگے ۔ آج کل ہندوؤں کو اپنے قومی تعصب میں بہت کچھ اشتعال ہو رہا ہے مگر دروغ کو فروغ تا کجا ؟ خود نابود ہو جائیں گے ۔ شیخ مہر علی صاحب کے مقدمہ کی تاریخ پہلے آپ نے ۲۲ فروری لکھی تھی ۔ اور اب آپ نے ۲۲ مارچ ۸۷ لکھی ہے ۔ کیا پیشی سے پہلے تاریخ منسوخ ہو گئی یا تاریخ سے پہلے مقدمہ پیش ہو گیا ۔ اس سے ضرور اطلاع بخشیں۔ چودھری محمد بخش صاحب کو سلام مسنون پہنچے ۔ ۲۲ رفروری ۱۸۸۷ء خاکسار غلام احمد عفی عنہ از قادیان مکتوب نمبر ۵۸ پوسٹ کارڈ بِسْمِ اللهِ الرَّحْمَنِ الرَّحِيمِ نَحْمَدُهُ وَنُصَلِّي عَلَى رَسُولِهِ الْكَرِيمِ مخدومی مکرمی اخویم سلمه تعالی ۔ السلام علیکم ورحمۃ اللہ و برکاتہ پانچ روپیہ کے شیر مال پہنچ گئے ہیں ۔ جزاکم اللہ خیرا اور سب طرح سے خیریت ہے۔ نوٹ : اس پر تاریخ نہیں مگر مہر ۴ رمئی ۱۸۸۷ء کی ہے ۔ والسلام خاکسار غلام احمد عفی عنہ از قادیان