مکتوبات احمد (جلد دوم) — Page 122
مکتوبات احمد ۱۲۲ جلد دوم مکتوب نمبر ۸۴ بِسْمِ اللَّهِ الرَّحْمَنِ الرَّحِيمِ نَحْمَدُهُ وَنُصَلِّي عَلَى رَسُولِهِ الكَرِيمِ مخدومی مکرمی اخویم حضرت مولوی نورالدین صاحب سلْمَهُ اللَّهُ تَعَالَى وَ نَظَرَ اللَّهُ بِنَظَرِ الرَّحْمَةِ وَالرِّضْوَان - السلام علیکم ورحمۃ اللہ و برکاتہ عنایت نامه مشتمل بر تلطفات محبت نامہ پہنچ کر باعث انشراح وسرور وممنونی ہوا۔ آپ کی ملاقات کو دل بہت چاہتا ہے ۔ خدا تعالیٰ آپ کو خیر و خوشی کے ساتھ جلد ملاوے ۔ تعلقات دنیا میں حاسدوں کا ہونا ایک طبعی امر ہے ۔ وَلِكُلِّ مُقَبَل حَاسِدٌ - حفاظت و حمایت الہی آپ کے لازم حال رہے۔ بیشک ایسے تعلقات بہت خطرناک ہیں اور ان میں بجز خاص رحمت الہی کے انجام خیر کے ساتھ عہدہ برا ہونا بہت مشکل ہے ۔ ہمیشہ تضرع اور استغفار حضرت رب کریم کی جناب میں لازم حال ہی رکھیں ۔ رفق اور نرمی اور اخلاق میں تو پہلے ہی سے آئمکرم سبقت لے گئے ہیں ۔ لیکن امید رکھتا ہوں کہ حاسدوں اور دشمنوں سے بھی یہی طریق جاری رہے اور حتی الوسع ریاست کے کاموں میں بہت دخل دینے سے پر ہیز رہے کہ سلامت بر کنار است کا مقولہ قابل توجہ ہے ۔ ازالہ اوہام اب تک چھپ کر نہیں آیا ۔ شاید دس پندرہ روز تک آ جاوے گا ۔اس کے نکلنے کے بعد آں مکرم کو تکلیف دوں گا کہ اس کا لب لباب نکال کر تشریحات اور ایزادات مناسبہ کے ساتھ آں مکرم کی طرف سے بھی کوئی رسالہ شائع ہو جاوے۔ مولوی محمد حسین صاحب سے جس قدر بحث ہوئی اس عاجز کی دانست میں وہ مصلحت سے خالی نہیں تھی اور امید رکھتا ہوں کہ فریقین کے بیانات شائع ہونے کے بعد انشاء اللہ اس کا بہت نیک اثر دلوں پر پڑے گا۔ یہ بھی دریافت کرنا چاہتا ہوں که سید محمد عسکری خان صاحب کی نسبت ابھی کچھ تذکرہ ہوا یا نہیں اور سب خیریت ہے ۔ ۱۶ راگست ۱۸۹۱ء الحکم ۲۴ رمئی ۱۹۰۳ ء صفحہ ۷ والسلام خاکسار ۔ غلام احمد از لد ہیانہ اقبال گنج