خطبات وقف جدید — Page 572
پھر فرمایا کہ 572 ا ا ایدہ اللہ تعالیٰ بنصرہ العزیز مرغی اپنے عمل سے دکھاتی ہے کہ کس طرح انفاق فی سبیل اللہ کرنا چاہیے کیونکہ وہ انسان کی خاطر اپنی ساری جان قربان کرتی ہے اور انسان کے کھانے کے واسطے ذبح کی جاتی ہے۔اسی طرح مرغی نہایت محنت اور مشقت کے ساتھ ہر روز انسان کے واسطے انڈا دیتی ہے۔ایسا ہی ایک پرند کی مہمان نوازی پر ایک حکایت ہے کہ ( دو پرندے تھے درخت پران کا گھونسلہ تھا ) ایک درخت کے نیچے ایک مسافر کو رات آگئی۔جنگل کا ویرانہ اور سردی کا موسم۔درخت کے اوپر ایک پرند کا آشیانہ تھا۔نر اور مادہ آپس میں گفتگو کرنے لگے کہ یہ غریب الوطن آج ہمارا مہمان ہے اور سردی زدہ ہے۔اس کے واسطے ہم کیا کریں؟ سوچ کر ان میں یہ صلاح قرار پائی کہ ہم اپنا آشیانہ تو ڑکر نیچے پھینک دیں اور وہ اس کو جلا کر آگ تاپے۔چنانچہ انہوں نے ایسا ہی کیا۔پھر انہوں نے کہا کہ یہ بھوکا ہے۔اس کے واسطے کیا دعوت تیار کی جائے۔اور تو کوئی چیز موجود نہ تھی۔ان دونوں نے اپنے آپ کو نیچے اس آگ میں گرادیا تا کہ ان کے گوشت کا کباب ان کے مہمان کے واسطے رات کا کھانا ہو جائے۔اس طرح انہوں نے مہمان نوازی کی ایک نظیر قائم کی۔“ اس پر حضرت مسیح موعود علیہ السلام فرماتے ہیں:۔سو ہماری جماعت کے مومنین اگر ہماری آواز کو نہیں سنتے تو اس مرغی کی آواز کو سنیں۔مگر سب برابر نہیں۔کتنے مخلص ایسے ہیں کہ اپنی طاقت سے زیادہ خدمت میں لگے ہوئے ہیں۔خدا تعالیٰ ان کو جزائے خیر دے۔“ (الحکم 10 دسمبر 1905 ، صفحہ 1) اب بھی جن لوگوں نے اپنی طاقت سے بڑھ کر مالی قربانیوں میں حصہ لیا ہے اور لے رہے ہیں اللہ تعالیٰ ان کو حضرت مسیح موعود علیہ السلام کی دعاؤں کا وارث بنائے۔حضرت مسیح موعود علیہ السلام فرماتے ہیں: تمہارے لئے ممکن نہیں کہ مال سے بھی محبت کرو اور خدا سے بھی۔صرف ایک سے محبت کر سکتے ہو۔پس خوش قسمت وہ شخص ہے کہ خدا سے محبت کرے اور اگر کوئی تم میں