خطبات وقف جدید — Page 273
273 حضرت خلیفہ امسیح الرابع چنانچہ وقف جدید بھی ان غریبانہ تحریکوں میں سے ایک ہے جو جماعت احمدیہ میں اسلام کے احیائے نو کی خاطر جاری کی گئیں۔حضرت مصلح موعود رضی اللہ عنہ نے دیہاتی جماعتوں میں ایک روحانی تبدیلی پیدا کرنے کی خاطر اس کی بنیا د رکھی۔پس یہ ایک بہت ہی غریبانہ اور درویشانہ ہی انجمن ہے جس کا بجٹ بہت معمولی سا ہے لیکن گذشتہ سال اللہ تعالیٰ کے فضل کیساتھ جہاں دیگر انجمنوں نے ترقی کی وہاں خدا تعالیٰ نے اس غریبانہ انجمن کو بھی نمایاں ترقی کی توفیق بخشی اور توقع سے بہت بڑھ کر بجٹ پورا ہوا بلکہ جہاں تک مجھے یاد ہے 83ء میں 82ء کی نسبت تین لاکھ روپے زائد وصولی ہوئی جو کہ نسبت کے لحاظ سے ایک بہت نمایاں ترقی ہے اور اس دفعہ بھی 84ء میں وقف جدید کا بجٹ سترہ لاکھ روپے تھا۔اور جور پورٹیں آ رہی ہیں وہ خدا کے فضل سے بہت خوشکن ہیں اور ان سے یہ اندازہ ہوتا ہے کہ یہ بجٹ بھی حسب سابق توقع سے بہت بڑھ کر پورا ہو گا۔تعجب ہوتا ہے کہ ایک طرف تو دشمن جماعت کی آمد کے ذرائع پر ہاتھ ڈال رہا ہے ، احمدی ملازمتوں سے سبک دوش کئے جارہے ہیں، ان کی تجارتوں میں رخنے ڈالے جا رہے ہیں، ان پر انکم ٹیکس کے جھوٹے مقدمے بنائے جارہے ہیں ، الغرض کوئی ایک بھی پہلو ایسا نہیں ہے جس سے جماعت کو تنگ نہ کیا جارہا ہو اور جماعت کی اقتصادی حیثیت کو نقصان نہ پہنچایا جارہا ہو،مگر اس کے باوجود جماعت ہر جہت سے خدا کی راہ میں مالی قربانی میں آگے سے آگے قدم بڑھا رہی ہے۔جہاں تک وقف جدید کے کاموں کا تعلق ہے خدا تعالیٰ کے فضل سے وہ پاک تبدیلی جو دیہات میں نظر آتی ہے اس میں ان کارکنان کی دعاؤں کا بھی دخل ہے اور ان کی محنتوں کا بھی اس لحاظ سے دخل ہے کہ وہ نہایت غریبانہ گزاروں میں رہ کر بھی بڑی محنت کے ساتھ بچوں کو قرآن کریم پڑھاتے ، نمازوں کی طرف توجہ دلاتے اور بڑے مشکل حالات میں صبر اور شکر کے ساتھ گزارہ کر رہے ہیں۔دعا ہے کہ اللہ تعالیٰ اس تحریک کو اور بھی ترقی دے۔چونکہ ہمیشہ سے یہی دستور رہا ہے کہ جلسہ سالانہ کی اٹھائیسویں تاریخ یا نئے سال کے پہلے جمعہ کو وقف جدید کے نئے سال کے آغاز کا اعلان کیا جائے۔اس لئے میں آج کے جمعہ میں وقف جدید کے نئے سال کے آغاز کا اعلان کرتا ہوں اور جماعت کو دعا کی تحریک کرتا ہوں کہ یہ دعا مانگیں کہ اللہ تعالیٰ ہر جہت سے اس تحریک کو بھی غیر معمولی نشو ونما عطا فرماتا رہے اور وہ عظیم الشان کام جو خدا تعالیٰ نے ان عاجز بندوں کے سپر دفرمائے ہیں ان میں اس تحریک کے کارندے بھی حتی المقدور کوشش کرتے رہیں۔اس کے ساتھ ہی میں آپ سب کو نئے سال کی مبارک باد بھی دیتا ہوں اور نئے سال کی مبارک باد کے طور پر کچھ اچھی خبریں بھی آپکو سناتا ہوں جو بیرون پاکستان سے بھی تعلق رکھتی ہیں اور اندرون