خطبات طاہر (جلد 5۔ 1986ء) — Page 815
خطبات طاہر جلد۵ 815 خطبہ جمعہ ۱۲/ دسمبر ۱۹۸۶ء پاکستان میں جماعت کے مخالفانہ حالات کلمہ کے لئے قربانی اور قتل مرتد کی حقیقت (خطبه جمعه فرموده ۱۲ر دسمبر ۱۹۸۶ء بمقام بیت الفضل لندن ) تشہد وتعوذ اور سورہ فاتحہ کے بعد حضور نے مندرجہ ذیل آیت کریمہ کی تلاوت کی: إِنَّ الَّذِيْنَ كَفَرُوا بِايْتِنَا سَوْفَ نُصْلِيْهِمْ نَارًا كُلَّمَا نَضِجَتْ جُلُودُهُمْ بَدَّلْنَهُمْ جُلُوْدًا غَيْرَهَا لِيَذُوقُوا الْعَذَابَ إِنَّ اللهَ كَانَ عَزِيزًا حَكِيمًا اور پھر فرمایا: (النساء۵۷) پاکستان میں گزشتہ چند سالوں سے پاکستان اور اسلام کے اندرونی اور بیرونی دشمنوں کی ملی بھگت سے جو سازش رفتہ رفتہ آگے بڑھ رہی ہے اس کے کچھ پہلو عملاً بے نقاب ہو چکے ہیں اور جہاں تک اسلام اور پاکستان کے دشمنوں کی طاقت ہے وہ ان پر عمل درآمد کرنے کی پوری کوشش کرتے چلے جار ہے ہیں۔اب یہ تحریک اور یہ سازش اپنے منطقی نقطہ عروج کی طرف کچھ اور آگے بڑھ رہی ہے۔اس سازش کے بہت سے پہلو ہیں جن کی تفصیل میں جانے کا یہاں وقت نہیں۔کچھ امور کے متعلق میں اس سے پہلے ذکر کر چکا ہوں اور کچھ امور ایسے ہیں جن کا خطبات میں ذکر بے محل ہوگا۔بہر حال جماعت احمدیہ کو جس حد تک بھی اللہ تعالیٰ نے توفیق عطا فرمائی ہے اور فرما تا چلا جائے گا ہم ہر قیمت پر اپنی طاقت کے آخری قطرے تک ، آخری سانس تک اسلام کے دفاع کے لئے مستعد رہیں گے اور ہر