خطبات محمود (جلد 5) — Page 520
خطبات محمود جلد (5) ۵۱۹ 68 نیکی میں ایک دوسرے سے بڑھنے کی کوشش کرو۔ ( فرموده ۲۷ جولائی ۱۹۱۷ء) حضور نے تشہد و تعوذ اور سورۃ فاتحہ تلاوت فرمانے کے بعد آیت مندرجہ ذیل تلاوت فرمائی :- ولكل وجهة هو موليها فاستبقوا الخيرات اين ما تكونوا يأت بكم الله جميعا ان الله عَلَى كُلِّ شيءٍ قديره (البقره: ۱۴۹) تمام مذاہب اپنے پیروؤں کو اس بات کی تاکید کرتے ہیں کہ نیکی اور تقویٰ کو اختیار کرنا چاہئیے۔ لیکن اسلام اور دیگر تمام مذاہب میں ایک فرق ہے۔ یہ بے شک درست ہے کہ اسلام بھی ان مذاہب کی طرح تعلیم دیتا ہے کہ نیکی اختیار کرومگر جہاں اور فرق ہیں۔ وہاں ایک یہ بھی ہے کہ دوسرے مذاہب صرف لفظ نیکی کی طرف متوجہ کرتے ہیں۔ اور اسلام اس بات کی بھی اطلاع دیتا ہے کہ جس نیکی کی طرف متوجہ کرتے کی بھی اطلاع دیتا ہے کہ جس نیکی کی طرف متوذ کرتے ہیں ۔ وہ چیز کیا ہے۔ یہ ممکن نہیں کہ کوئی مذہب بدی کی تعلیم دیتا ہو۔ کیونکہ کوئی پاگل نہیں جو یہ کہے کہ تم بدی اختیار کرو۔ تو دنیا میں کوئی مذہب ایسا نہیں جو بظاہر شرارت کی طرف لوگوں کو بلاتا ہو کیونکہ محض عقل بھی بلا کسی الہامی مدد اور اشارہ کے یہی تعلیم دیتی ہے کہ نیکی اختیار کرنا چاہئیے ۔ پس مذاہب میں فرق اس بات میں نہیں کہ نیکی اختیار کرنا چاہیے یا نہیں بلکہ اختلاف اس امر میں ہے کہ دوسرے مذاہب جو نیکی کی تعریف کرتے ہیں وہ حقیقت سے دور کر نیوالی ہوتی ہے۔