خطبات محمود (جلد 38) — Page 242
$1957 242 32 خطبات محمود جلد نمبر 38 ربوہ کے دوستوں کو چاہیے کہ وہ جلسہ سالانہ کے مہمانوں کے لیے اپنے زیادہ سے زیادہ مکانات پیش کریں فرموده 22 نومبر 1957ء بمقام ربوہ ) تشہد ، تعوذ اور سورۃ فاتحہ کی تلاوت کے بعد فرمایا: اب نومبر کی آخری تاریخیں چل رہی ہیں اور دسمبر میں اِنشَاءَ اللہ تعالیٰ ہمارا جلسہ سالانہ ہوگا۔جلسہ سالانہ میں مہمانوں کے کھانے پینے کا جو انتظام ہوتا ہے وہ تو بہر حال صدر انجمن احمدیہ کے افسروں کے سپرد ہے اور وہ ہمیشہ اسے سرانجام دیتے چلے آئے ہیں اور اب بھی اسے وہی سرانجام دیں گے لیکن مکانوں کی بہت دقت پیش آئی ہے۔لوگ عموماً اپنے مکانات میں اپنے رشتہ داروں کو جگہ دے دیتے ہیں اور اس طرح دوسرے لوگوں کو مناسب جگہ نہ ملنے کی وجہ سے تکلیف ہوتی ہے۔میں نے صدر انجمن احمدیہ سے کہا تھا کہ وہ جلسہ سالانہ کے لیے تین پختہ بیر کیں بنوا دے۔لیکن اس نے ابھی تک یہ پیر کیں نہیں بنوائیں۔اگر یہ بیر کیں بن جائیں تو ایک حد تک دقت دور ہو جاتی۔اس میں کوئی شبہ نہیں کہ اب ربوہ میں کافی مکانات بن گئے ہیں لیکن ابھی وہ اتنی تعداد میں نہیں بنے جلسہ کے تمام مہمانوں کو سنبھال سکیں۔بعض لوگ یہ غلطی کرتے ہیں کہ وہ پہلے سے ہی منتظمین کو