خطبات محمود (جلد 36) — Page 67
$1955 67 خطبات محمود جلد نمبر 36 عیسائیت کا شدید حملہ ہے اور وہ مسلمانوں کو اسلام سے برگشتہ کر رہی ہے۔اس لیے صرف یورپ اور امریکہ میں ہی عیسائیت کے مقابلہ کی ضرورت نہیں بلکہ مسلم ممالک میں بھی عیسائیت کا مقابلہ کرنے کی ضرورت ہے۔بعض نادان کہہ دیتے ہیں کہ مسلم ممالک میں مبلغین بھیجنے کی کیا ضرورت ہے ان کے باشندے تو پہلے ہی اسلام کے پیرو ہیں۔لیکن وہ لوگ یہ نہیں جانتے کہ مسلمان کہلانا اور بات ہے اور اسلام کی تعلیم پر عمل کرنا اور بات ہے۔مسلمانوں نے گزشتہ زمانہ میں اسلام کی تعلیم پر عمل کرنے میں سخت کو تاہی سے کام لیا ہے۔اس لیے اگر چہ وہ اپنے آپ کو مسلمان کہتے تھے لیکن ان کے اندر اسلام کے لیے غیرت موجود نہیں تھی۔پس اسکے نتیجہ میں لازمی طور پر عیسائیت ترقی کرتی گئی اور اس نے مسلم ممالک میں بھی اپنا جال پھیلا دیا۔مسلمان محض نام کے رہ گئے اور تعلیم یافتہ اور جاہل دونوں عیسائیت کا شکار ہو گئے۔تعلیم یافتہ اس لیے کہ ان کے افکار پر عیسائیت غالب تھی کی اور جاہل اس لیے کہ اُن کے اقتصاد پر عیسائیت غالب تھی۔اس وجہ سے اس کا مقابلہ کرنا ضروری کی ہے۔اور اس کے لیے نہ صرف ہمیں غیر مسلم ممالک میں جانا پڑے گا بلکہ مسلم ممالک میں بھی جانا پڑے گا اور لوگوں کے سامنے صحیح اسلامی تعلیم رکھنی پڑے گی۔پس جماعت کو اپنی ذمہ داریاں نہیں بھلانی چاہئیں۔جب بھی جماعت غفلت سے کام لے گی وہ ریلا جو حضرت مسیح موعود علیہ الصلواۃ السلام نے روکا تھا اور وہ سیلاب جو آ رہا تھا اور اس کے آگے حضرت مسیح موعود علیہ الصلوۃ السلام نے بند باندھا تھا ٹوٹ جائے گا۔اور سیلاب آگے بڑھنا شروع ہو جائے گا۔اس سیلاب کو روکنا اور اس کی سے ہوشیار رہنا ہماری جماعت کی اولین ذمہ داریوں میں شامل ہے۔“ (الفضل 4/اکتوبر 1961ء)