خطبات محمود (جلد 32) — Page 57
$1951 57 خطبات محمود بچاؤ کے موجب ہو سکتے ہیں انہیں بھلا دیتے ہیں۔اور ایسی چیزوں کی تلاش میں رہتے ہیں جو یا تو انہیں میسر ہی نہیں آسکتیں اور اگر میسر آجائیں تو ان کے لیے بڑی جدوجہد اور بھاری قربانی کرنی کی پڑتی ہے۔اس کا نتیجہ یہ ہوتا ہے کہ نہ تو وہ چیز جو وہ تلاش کرتے ہیں انہیں ملتی ہے اور نہ وہ اُس چیز سے جو اُن کے ہاتھ میں ہوتی ہے کوئی فائدہ اُٹھا سکتے ہیں۔مجھے یاد ہے حضرت مسیح موعود علیہ الصلوۃ والسلام نے ایک دفعہ فرمایا کہ بعض دفعہ ہم تسبیح کہتے ہیں تو ایک ہی دفعہ کی تیج میں ہمیں خدا تعالیٰ کا اس قدر قرب حاصل ہو جاتا ہے کہ دوسرا انسان ہزاروں ہزار دفعہ ویسی تسبیح کر کے بھی اس سے اتنا فائدہ نہیں اُٹھا سکتا۔میں اُس مجلس میں نہیں تھا کسی ہمارے ہم عمر نے یہ بات سن لی۔وہ مجھے ملے تو انہوں نے تعجب سے کہا پتا نہیں اس میں کیا راز ہے۔حضرت مسیح موعود علیہ الصلوۃ والسلام نے معلوم نہیں کی تسبیح کا ذکر کیا ہے۔اس نے مجھ سے ذکر کیا تو یہ بات فوراً میرے ذہن میں آ گئی کہ ایک تسبیح دل سے نکلتی ہے اور ایک تسبیح زبان سے نکلتی ہے۔جب تسبیح دل سے نکلتی ہے تو یکدم ایسا معلوم ہوتا ہے کہ انسان کہیں سے کہیں پہنچ گیا ہے۔اور جو تبی زبان سے نکلتی ہے وہ خواہ کوئی انسان ہزاروں دفعہ دہرائے وہ وہیں کا وہیں بیٹھارہتا ہے۔میں نے اسے کہا میں سمجھ گیا ہوں۔جو تیج دل سے نکلتی ہے اس کا اثر فوراً ظاہر ہو جاتا ہے اور جو صرف زبان سے نکلتی ہے اُس کا کوئی اثر پیدا نہیں ہوتا۔وہ ہنس پڑے اور کہا لا حَولَ وَلَا قُوَّةَ إِلَّا بِاللهِ۔آپ نے بھی کس طرح ایک اہم بات کو چٹکیوں میں اُڑادیا۔غرض جو چیز سہل الحصول ہوا سے لوگ چھوڑ دیتے ہیں اور چاہتے ہیں کہ انہیں کوئی جنتر منتر مل جائے حالانکہ خدا تعالیٰ کے ملنے کے لیے کسی جنتر منتر کی ضرورت نہیں ہوتی بلکہ ان فطرتی چیزوں کی ضرورت ہوتی ہے جو ہر انسان میں پائی جاتی ہیں۔جس طرح لوگ اپنے ماں باپ اور بیٹے بیٹی اور بھائی بہنوں سے تعلق پیدا کر لیتے ہیں، جس طرح لوگ کسی کو اپنا دوست بنا لیتے ہیں وہی طریق خدا تعالیٰ سے تعلق پیدا کرنے کے لیے ہیں۔تم اپنے ارد گرد دیکھ لو کہ لوگ ایک دوسرے کے کس طرح دوست بنتے ہیں۔دنیا میں وہ کونسا انسان ہے جس کا کوئی دوست نہیں ، جس کا کوئی ساتھی نہیں ، جس کا کوئی بے تکلف نہیں۔آخر وہ کیسے دوست بن گئے؟ وہ کیسے بے تکلف بن گئے ؟ جس طرح وہ بے تکلف بن جاتے ہیں اسی طرح خدا تعالیٰ سے بھی تعلق پیدا کیا جا سکتا ہے۔تمہیں بہت سی