خطبات محمود (جلد 30) — Page 304
* 1949 304 خطبات محمود ایمانوں میں پہلے سے زیادہ مضبوط ہو جاتے ہیں۔پس مخالفت کی شدت کی وجہ سے بھی ایمان مضبوط ہوتے ہیں۔لیکن اب احمدیت کو قائم ہوئے اتنا لمبا عرصہ گزر چکا ہے کہ گو ہم یہ جانتے ہیں کہ اندرونی طور پر لوگوں کے دلوں میں احمدیت کی نسبت بغض پایا جاتا ہے مگر وہ نظارہ جو پہلے نظر آتا تھا کہ احمد یوں ہے پر تالیاں پیٹ رہی ہیں ، گالیاں دی جا رہی ہیں، پتھر پھینکے جا رہے ہیں وہ نظارہ اب نظر نہیں آتا۔یہی ہے لا ہور جس میں ظاہری طور پر احمدیت کی کسی قسم کی مخالفت نظر نہیں آتی کو باطنی طور پر مخالفت موجود ہے بلکہ پہلے سے بھی بڑھی ہوئی ہے اسی لاہور میں میں نے حضرت مسیح موعود علیہ الصلوۃ والسلام پر پتھر پڑتے دیکھے ہیں۔اسی لاہور میں میں نے حضرت مسیح موعود علیہ الصلوۃ والسلام پر لوگوں کو ہنسی مذاق کرتے اور گالیاں دیتے دیکھا ہے۔مجھے خوب یاد ہے حضرت مسیح موعود علیہ الصلوۃ والسلام جب ملتان تشریف لے گئے تو میں بھی آپ کے ساتھ گیا۔مجھے ملتان کی تو کوئی بات یاد نہیں۔لیکن واپسی پر جب آپ لا ہور ٹھہرے تو اُس وقت کا نظارہ اب تک میری آنکھوں کے سامنے ہے۔میری عمر اس وقت آٹھ نو سال یا اس سے بھی کچھ کم تھی۔ملتان سے واپسی پر آپ ایک دن کے لیے یہاں ٹھہرے۔اُن دنوں میاں فیملی کا گھر فصیل سے باہر نہیں ہوا کرتا تھا بلکہ وہ غالبا واٹر ورکس کے مقابل پر شہر کے اندرون کے حصہ میں رہا کرتے تھے۔اُس روز میاں فیملی میں سے کسی دوست نے میاں چراغ دین صاحب یا میاں معراج دین صاحب نے حضرت مسیح موعود علیہ الصلوۃ والسلام کی دعوت کی۔سنہری مسجد کے پاس اُن کے مکان کو رستہ جاتا تھا۔اُس وقت لاہور کی حالت موجودہ حالت سے بالکل مختلف تھی۔اب تو لنڈا بازار اور بیرون دتی دروازہ سب آباد نظر آتا ہے لیکن اُن دنوں یہ سب غیر آباد علاقہ تھا۔صرف لنڈے بازار میں چند دکا نہیں تھیں مگر وہ بھی بہت معمولی سی۔باقی سارا علاقہ خالی اور غیر آباد پڑا تھا۔حضرت مسیح موعود علیہ الصلوۃ والسلام اُس جگہ سے واپس تشریف لا رہے تھے تو سنہری مسجد یا وزیر خان کی مسجد ( یہ مجھے ) یاد نہیں رہا ) ان دونوں میں سے کسی ایک مسجد کے قریب بہت سے لوگ جمع تھے۔انہیں یہ پتا لگ چکا تھا تھی کہ مرزا صاحب اس طرف گئے ہیں اور تھوڑی دیر میں ہی وہ واپس آنے والے ہیں۔اُن دنوں سواری کے لیے شکر میں ہوا کرتی تھیں۔یہ ایک چار پیسے کی گاڑی ہوا کرتی تھی جس پر لکڑی کا ایک کمرہ سا بنا ہوا ہے ہوتا تھا۔حضرت مسیح موعود علیہ الصلوۃ والسلام بھی شکرم میں بیٹھے ہوئے تھے اور کچھ شکر میں آپ کے