خطبات محمود (جلد 28) — Page 424
خطبات محمود 424 (43) سال 1947ء خدائی سلسلے انسانوں کے محتاج نہیں ہوتے بلکہ انسان خدائی سلسلوں کے محتاج ہوتے ہیں ( فرموده 28 نومبر 1947ء بمقام لاہور ) تشهد ، تعوذ اور سورۃ فاتحہ کی تلاوت کے بعد فرمایا: دو چار دنوں میں نومبر کا مہینہ ختم ہونے والا ہے اور نومبر کے آخر میں تیرہ سال سے میں تحریک جدید کے نئے سال کا اعلان کیا کرتا ہوں۔اب چودہویں سال کی تحریک کے اعلان کا وقت آ گیا ہے اور جس طرح چودہویں رات کا چاند ایک مکمل چاند ہوا کرتا ہے اسی طرح چودہویں سال کی تحریک بھی ایک ایسے موقع پر ہونے لگی ہے جبکہ تحریک جدید کا مقصد اپنے انتہاء کو پہنچ رہا ہے۔تحریک جدید کی غرض یہ تھی کہ جماعت میں اسلامی شعار اور سادہ زندگی کی عادت پیدا کی جائے اور تبلیغ احمدیت اور تبلیغ اسلام کے کام کو زیادہ سے زیادہ وسیع کرنے کی کوشش کی جائے۔جماعت کے ایک طبقہ نے اِس کام میں حصہ لیا اور بڑے زور سے حصہ لیا۔اور ایک اور حصہ نے اس کام میں سستی اور غفلت دکھائی اور بعد میں اپنی سستی اور غفلت کا ازالہ کرتے ہوئے وہ اس تحریک میں شامل ہو گیا۔اور کچھ حصہ ایسا بھی تھا جو نہ شروع میں شامل ہوا ، نہ ای درمیان میں شامل ہوا اور نہ آج تک اُسے شامل ہونے کی توفیق ملی ہے۔گیارہویں سال سے تحریک جدید کے دفتر دوم کا بھی اعلان کر دیا گیا تھا تا کہ وہ نوجوان جو پہلے بچے تھے یا وہ بیکار جن کی پہلے کوئی کمائیاں نہ تھیں اب بڑے ہو کر با کار ہو کر اپنے اس فرض کو ادا کر سکیں جو اللہ تعالیٰ کی