خطبات محمود (جلد 15) — Page 473
خطبات محمود ۳۹ سال ۱۹۳۴ء مطالبات کی اعلان کردہ سکیم کے متعلق بعض اہم تشریحات (فرموده ۷- دسمبر ۱۹۳۴ء) تشر ، تعوذ اور سورۃ فاتحہ کی تلاوت کے بعد فرمایا:- میں ان تجاویز کے متعلق جو میرے نزدیک اس فتنہ کے مقابلہ کیلئے موجودہ حالات میں ضروری ہیں جو آج کل جماعت احمدیہ کی ترقی کے راستہ میں روک بن رہا ہے یا روکیں پیدا کرنے کی کوشش کر رہا ہے میں سمجھتا ہوں کہ وہ تجاویز ان تجاویز کی پہلی قسط ہیں جن۔ہمارے لئے عمل کرنا ضروری ہوگا۔آئندہ جو حالات پیدا ہونے والے ہیں ان کا حقیقی علم تو اللہ تعالی کو ہی ہے لیکن اس کے دیئے ہوئے علم کے ماتحت بعض باتیں ہمیں بھی معلوم ہیں۔ان کو مد نظر رکھتے ہوئے جن تجاویز کو اختیار کرنا ہمارے لئے ضروری ہوگا وہ میرے ذہن میں ہیں لیکن کوئی شخص یک لخت نیچے سے پھلانگ کر چھت پر نہیں پہنچ سکتا بلکہ مختلف سیڑھیوں سے گزرنا ضروری ہوتا ہے۔پس میں سمجھتا ہوں کہ ان سیڑھیوں میں سے وہ تجاویز جو میں نے پیش کی ہیں پہلی سیڑھی ہیں۔یا چونکہ اس سے بھی پہلے چندے جماعت دیتی تھی یا قربانیاں کرتی تھی ان کو اگر پہلی سیڑھی قرار دیا جائے تو یہ دوسری ہوگی اور اگر ان ادوار کو جن میں سے جماعت گزرتی رہی ہے گن لیا جائے تو یہ تیسری یا چوتھی ہوگی مگر بہر حال چھت ابھی ہمارے قریب نہیں آئی اور چھت پر پہنچنے کیلئے جن سیڑھیوں پر چڑھنا ہمارے لئے ضروری ہے، ان پر ابھی ہم نہیں چڑھے اور آئندہ اور سیڑھیاں بھی ہمیں چڑھنی پڑیں گی۔اور وہ کس مواد کی بنی ہوئی ہوں گی، وہ ایک حد تک میرے ذہن میں ہے اور اسی کو مد نظر رکھ کر میں